Plato, Cratylus, Theaetetus, Sophist, Statesman, Θεαίτητος 220:

πάνυ γε. ἴθι δή, οὑτωσὶ ἐρωτῶμεν Πρωταγόραν ἢ ἄλλον τινὰ τῶν ἐκείνῳ τὰ αὐτὰ λεγόντων· "πάντων μέτρον ἄνθρωπόσ ἐστιν," ὡσ φατέ, ὦ Πρωταγόρα, λευκῶν βαρέων κούφων, οὐδενὸσ ὅτου οὐ τῶν τοιούτων· ἔχων γὰρ αὐτῶν τὸ κριτήριον ἐν αὑτῷ, οἱᾶ πάσχει τοιαῦτα οἰόμενοσ, ἀληθῆ τε οἰέται αὑτῷ καὶ ὄντα. οὐχ οὕτω; οὕτω. ἦ καὶ τῶν μελλόντων ἔσεσθαι, φήσομεν, ὦ Πρωταγόρα, ἔχει τὸ κριτήριον ἐν αὑτῷ, καὶ οἱᾶ ἂν οἰηθῇ ἔσεσθαι, ταῦτα καὶ γίγνεται ἐκείνῳ τῷ οἰηθέντι;