Plato, Cratylus, Theaetetus, Sophist, Statesman, Κρατύλος 11:

ἴσωσ μέντοι τὶ λέγεισ, ὦ Ἑρμόγενεσ· οὕτω λέγεισ; σκεψώμεθα δέ. ὃ ἂν φῂσ καλῇ τισ ἕκαστον, τοῦθ’ ἑκάστῳ ὄνομα; ἔμοιγε δοκεῖ. καὶ ἐὰν ἰδιώτησ καλῇ καὶ ἐὰν πόλισ; φημί. τί οὖν; ἐὰν ἐγὼ καλῶ ὁτιοῦν τῶν ὄντων, οἱο͂ν ὃ νῦν καλοῦμεν ἄνθρωπον, ἐὰν ἐγὼ τοῦτο ἵππον προσαγορεύω, ὃ δὲ νῦν ἵππον, ἄνθρωπον, ἔσται δημοσίᾳ μὲν ὄνομα ἄνθρωποσ τῷ αὐτῷ, ἰδίᾳ δὲ ἵπποσ; καὶ ἰδίᾳ μὲν αὖ ἄνθρωποσ, δημοσίᾳ δὲ ἵπποσ;