Lycurgus, Speeches, Κατὰ Λεωκράτους 169:

ἆρά γ’ ὑμῖν δοκεῖ βουλομένοισ μιμεῖσθαι τοὺσ προγόνουσ πάτριον εἶναι Λεωκράτην μὴ οὐκ ἀποκτεῖναι; ὁπότε γὰρ ἐκεῖνοι ἀνάστατον τὴν πόλιν οὖσαν τὸν λόγῳ μόνον προδιδόντα οὕτωσ ἀπέκτειναν, τί ὑμᾶσ προσήκει τὸν ἔργῳ καὶ οὐ λόγῳ τὴν οἰκουμένην ἐκλιπόντα ποιῆσαι; ἆρ’ οὐχ ὑπερβαλέσθαι ἐκείνουσ ταῖσ τιμωρίαισ; καὶ ὅτ’ ἐκεῖνοι τοὺσ ἐπιχειρήσαντασ τῆσ παρὰ τοῦ δήμου σωτηρίασ ἀποστερεῖν οὕτωσ ἐκόλασαν, τί ὑμᾶσ προσήκει τὸν αὐτοῦ τοῦ δήμου τὴν σωτηρίαν προδόντα ποιῆσαι; καὶ ὅτε ὑπὲρ τῆσ δόξησ ἐκεῖνοι τοὺσ αἰτίουσ ἐτιμωροῦντο, τί ὑμᾶσ ὑπὲρ τῆσ πατρίδοσ προσήκει ποιεῖν;