Lycurgus, Speeches, Κατὰ Λεωκράτους 84:

ἴσωσ οὖν τῶν συνηγόρων αὐτῷ τολμήσει τισ εἰπεῖν, μικρὸν τὸ πρᾶγμα ποιῶν, ὡσ οὐδὲν ἂν παρ’ ἕνα ἄνθρωπον ἐγένετο τούτων· καὶ οὐκ αἰσχύνονται τοιαύτην ἀπολογίαν ποιούμενοι πρὸσ ὑμᾶσ, ἐφ’ ᾗ δικαίωσ ἂν ἀποθάνοιεν. εἰ μὲν γὰρ ὁμολογοῦσι τὴν πατρίδα αὐτὸν ἐκλιπεῖν, τοῦτο συγχωρήσαντεσ ὑμᾶσ ἐώντων διαγνῶναι περὶ τοῦ μεγέθουσ· εἰ δ’ ὅλωσ μηδὲν τούτων πεποίηκεν, οὐ μανία δή που τοῦτο λέγειν, ὡσ οὐδὲν ἂν γένοιτο παρὰ τοῦτον;