Lycurgus, Speeches, Κατὰ Λεωκράτους 81:

εἰ γὰρ δεῖ τὴν ἀλήθειαν εἰπεῖν, πόλεώσ ἐστι θάνατοσ ἀνάστατον γενέσθαι. τεκμήριον δὲ μέγιστον· ἡμῶν γὰρ ἡ πόλισ τὸ μὲν παλαιὸν ὑπὸ τῶν τυράννων κατεδουλώθη, τὸ δ’ ὕστερον ὑπὸ τῶν τριάκοντα, καὶ ὑπὸ Λακεδαιμονίων τὰ τείχη καθῃρέθη· καὶ ἐκ τούτων ὅμωσ ἀμφοτέρων ἠλευθερώθημεν καὶ τῆσ τῶν Ἑλλήνων εὐδαιμονίασ ἠξιώθημεν προστάται γενέσθαι.