헬라어 문장 검색 - Λυξιαν́Ιμαγινέ1́0́11́

(루키아노스, Imagines, (no name) 11:)

ἀλλ’, ὦ ἄριστε, σὺ μὲν ὥσπερ τινὰ ἀστραπὴν παραδραμοῦσαν ἅπαξ εἶδεσ αὐτήν, καὶ ἐοίκασ τὰ πρόχειρα ταῦτα, λέγω δὲ τὸ σῶμα καὶ τὴν μορφήν, ἐπαινεῖν τῶν δὲ τῆσ ψυχῆσ ἀγαθῶν ἀθέατοσ εἶ, οὐδὲ οἶσθα ὅσον τὸ κάλλοσ ἐκεῖνό ἐστιν αὐτῆσ, μακρῷ τινι ἄμεινον καὶ θεοειδέστερον τοῦ σώματοσ. ἐγὼ δὲ συνήθησ γάρ εἰμι καὶ λόγων ἐκοινώνησα πολλάκισ ὁμοεθνὴσ ὤν. καὶ γάρ, ὡσ οἶσθα καὶ αὐτόσ, τὸ ἥμερον καὶ φιλάνθρωπον καὶ τὸ μεγαλόφρον καὶ σωφροσύνην καὶ παιδείαν πρὸ τοῦ κάλλουσ ἐπαινῶ· ἄξια γὰρ προκεκρίσθαι ταῦτα τοῦ σώματοσ· ἐπεὶ ἄλογον ἂν εἰή καὶ γελοῖον, ὥσπερ εἴ τισ τὴν ἐσθῆτα πρὸ τοῦ σώματοσ θαυμάζοι. τὸ δ’ ἐντελὲσ κάλλοσ, οἶμαι, τοῦτό ἐστιν, ὁπόταν εἰσ τὸ αὐτὸ συνδράμῃ ψυχῆσ ἀρετὴ καὶ εὐμορφία σώματοσ. ἀμέλει πολλὰσ ἄν σοι δείξαιμι μορφῆσ μὲν εὖ ἡκούσασ, τὰ δ’ ἄλλα αἰσχυνούσασ τὸ κάλλοσ, ὡσ καὶ μόνον φθεγξαμένων ἀπανθεῖν αὐτὸ καὶ ἀπομαραίνεσθαι ἐλεγχόμενόν τε καὶ ἀσχημονοῦν καὶ παρ’ ἀξίαν συνὸν πονηρᾷ τινι δεσποίνῃ τῇ ψυχῇ. καὶ· αἵ γε τοιαῦται ὅμοιαί μοι δοκοῦσιν τοῖσ Αἰγυπτίοισ ἱεροῖσ· κἀκεῖ γὰρ αὐτὸσ μὲν ὁ νεὼσ κάλλιστόσ τε καὶ μέγιστοσ, λίθοισ τοῖσ πολυτελέσιν ἠσκημένοσ καὶ χρυσῷ καὶ γραφαῖσ διηνθισμένοσ, ἔνδον δὲ ἢν ζητῇσ τὸν θεόν, ἢ πίθηκόσ ἐστιν ἢ ἶβισ ἢ τράγοσ ἢ αἴλουροσ. τοιαύτασ πολλὰσ ἰδεῖν ἔνεστιν. Οὐ τοίνυν ἀπόχρη τὸ κάλλοσ, εἰ μὴ κεκόσμηται τοῖσ δικαίοισ κοσμήμασι, λέγω δὴ οὐκ ἐσθῆτι ἁλουργεῖ καὶ ὁρ́μοισ, ἀλλ’ οἷσ προεῖπον ἐκείνοισ, ἀρετῇ καὶ σωφροσύνῃ καὶ ἐπιεικείᾳ καὶ φιλανθρωπίᾳ καὶ τοῖσ ἄλλοισ ὁπόσα ταύτησ ὁρ́οσ ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Imagines, (no name) 11:

(루키아노스, Imagines, (no name) 11:)

상위

목록

SEARCH

MENU NAVIGATION