헬라어 문장 검색 - Ηιπποξ́Οευϝρεσ́05́12́0́

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 12.)

Ὄμφακα λευκὴν ἐσ χαλκεῖον θλίψασ ἐρυθρὸν δι’ ἠθμοῦ, πρὸσ ἥλιον τιθέναι τὰσ ἡμέρασ, τὰσ δὲ νύκτασ αἴρειν, ὅκωσ μὴ δροσίζηται, ἀνατρίβειν δὲ τῆσ ἡμέρησ ἀπαύστωσ, ὡσ ὁμαλῶσ ξηραίνηται, καὶ ἀπὸ τοῦ χαλκείου ὡσ ὅτι πλεῖστον ἀναλαμβάνῃ, τιθέναι δὲ ἐσ τὸν ἥλιον τοσοῦτον χρόνον, ἔστ’ ἂν παχὺ γένηται ὥσπερ μέλι‧ ἔπειτα ἐσ χύτρην χαλκῆν ἐγχέαι, καὶ μέλι ὡσ κάλλιστον, καὶ οἶνον γλυκὺν, ἐναφεψήσασ πρότερον Ῥητίνην τερμινθίνην, ἕψειν δὲ τὴν Ῥητίνην ἐν τῷ οἴνῳ, ἑώσ ἂν σκληρὴ γένηται ὥσπερ μέλι ἑφθόν‧ ἔπειτα τὴν μὲν Ῥητίνην ἐξελεῖν, τὸν δὲ οἶνον ξυγχέαι‧ ἔστω δὲ πλεῖστοσ μὲν ὁ χυλὸσ τῆσ ὄμφακοσ, δεύτερον δὲ ὁ οἶνοσ, τρίτον δὲ τὸ μέλι‧ καὶ σμύρναν τὴν στακτὴν καὶ ἄλλωσ ὡσ βελτίστην τρίψασ λείην, δίεσθαι τοῦ οἴνου τοῦ αὐτοῦ παρεγχέοντα κατ’ ὀλίγον‧ ἔπειτα ἕψειν αὐτὴν ἐφ’ ἑωυτῆσ τὴν σμύρναν ξὺν τῷ οἴνῳ ἀνακινέοντα, ὅταν δὲ δοκέῃ ἤδη καλῶσ ἔχειν τὸ πάχοσ, ξυγχέαι ἐσ τὸν χυλὸν τῆσ ὄμφακοσ, καὶ νίτρον ὡσ ἄριστον φρύξασ, ἡσύχωσ μιγνύναι ἐσ τὸ φάρμακον, καὶ ἄνθοσ χαλκοῦ ἔλασσον τοῦ νίτρου‧ ταῦτα δὲ ἐπειδὰν μίξῃσ, ἕψειν μὴ ἔλασσον τριῶν ἡμερέων, ξύλοισι συκίνοισιν ὡσ ὀλίγον ὑποκαίοντα ἢ ἄνθραξιν, ὡσ μὴ φρύγηται‧ καὶ ἐμβαλλόμενα πάντα ἄνυδρα ἔστω, καὶ τὰ ἑλκεα μὴ τεγγέσθω, ὅκη ἂν ἐπαλείφηται τοῦτο τὸ φάρμακον‧ χρῆσθαι δὲ τούτῳ τῷ φαρμάκῳ πρὸσ τὰ πεπαλαιωμένα ἕλκεα, καὶ πρὸσ τὰ νεότρωτα, καὶ ἐσ πόσθιον, καὶ ἐσ κεφαλῆσ ἕλκεα καὶ ὠτόσ. ‐‐ Φάρμακον ἕτερον τῶν αὐτέων ἑλκέων‧ χολὴ βοὸσ ξηρὴ, μέλι ὡσ κάλλιστον, οἶνοσ λευκόσ‧ ἐναφεψῆσαι δὲ ἐν αὐτῷ λωτοῦ τορνεύματα‧ λιβανωτὸσ, σμύρνα ἴση, κρόκοσ ἴσοσ, ἄνθοσ χαλκοῦ‧ ὁμοίωσ δὲ ὑγρῶν, οἶνοσ πλεῖστοσ, μέλι δεύτερον, ὀλίγιστον ἡ χολή. ‐‐ Ἕτερον‧ οἶνοσ, μέλι κέδρινον, ὀλίγον‧ τὰ δὲ ξηρὰ, ἄνθοσ χαλκοῦ, σμύρνα, σίδιον αὐο͂ν. ‐Ἕτερον‧ ἄνθοσ χαλκοῦ ὀπτὸν ἡμιμοίριον, σμύρνησ δύο ἡμιμσίρι, κρόκου τρεῖσ μοῖραι, μέλι ὀλίγον, σὺν οἴνῳ ὀπτώμενα. ‐‐ Ἕτερον‧ λιβανωτοῦ μοῖρα, σμύρνησ μοῖρα, κηκίδοσ μοῖρα, κρόκου τρεῖσ μοῖραι‧ τούτων ἕκαστον ξηρὸν τρίψασ ὡσ λειότατον, ἔπειτα μίξασ, τρίβειν ἐν ἡλίῳ ὡσ θερμοτάτῳ, παραχέων χυλὸν ὄμφακοσ ἑώσ ἄν ἰξῶδεσ γένηται, ἐπὶ τρεῖσ ἡμέρασ‧ ἔπειτα οἴνῳ αὐστηρῷ μέλανι εὐώδεϊ παραχέων κατ’ ὀλίγον δίεσθαι. ‐‐ Ἕτερον‧ ἐν οἴνῳ γλυκέί̈ ἕψειν λευκῷ πρίνου Ῥίζασ‧ ἐπειδὰν δὲ δοκέῃ καλῶσ ἔχειν, ἀποχέασ, τοῦ οἴνου δύο μοίρασ ποιῆσαι τοῦδε καὶ ἀμόργησ ἐλαίου ὡσ ἀνυδροτάτου μοῖραν μίαν, ἔπειτα ἕψειν, ἀνακινέων ὡσ μὴ φρυγῇ, μαλθακῷ πυρὶ, ἑώσ ἂν δοκέῃ τοῦ πάχεοσ καλῶσ ἔχειν. ‐‐ Ἕτερον‧ τὰ μὲν ἄλλα, τὰ αὐτά‧ ἀντὶ δὲ τοῦ οἴνου, ὄξοσ ὡσ ὀξύτατον ἔστω λευκόν‧ ἐμβάψαι δὲ ἐσ αὐτὸ εἴρια ὡσ οἰσυπώδεα‧ κἄπειτα δεύσασ τῆ ἀμόργῃ ἕψειν‧ καὶ ὀπὸν ἐρινεοῦ ξυγχέαι, καὶ στυπτηρίην μηλείην, καὶ νίτρον καὶ ἄνθοσ χαλκοῦ μῖξαι ὀπτὰ ἀμφότερα. Τοῦτο μᾶλλον τοῦ προτέρου καθαίρει τὰ ἕλκεα, ξηραίνει δὲ τὸ πρότερον οὐχ ἧσσον. ‐Ἕτερον‧ τὰ εἴρια βάψαι ὡσ ἐν ὀλιγίστῳ ὕδατι, ἔπειτα οἶνον ξυγχέασ μέροσ τρίτον, ἕψειν ἑώσ ἂν καλῶσ ἔχῃ τὸ πάχοσ. Ἀπὸ τῶνδε διαπυί̈σκεσθαι ἐξέσται τὰ νεότρωτα τάχιστα. ‐‐ Ἄλλο‧ ἄρον ξηρὸν ἐπιπάσσειν, καὶ στέλλειν. ‐‐ Κράδησ ἐν ὀπῷ φλοιὸν χλωρὸν τρίβων ἐν οἴνῳ ἐνστέλλειν, καὶ ἄνευ οἴνου αὐτὸν καὶ ξὺν μέλιτι. ‐‐ Ἕτερον‧ ὄξοσ, ἐναφεψῶν λωτοῦ τορνεύματα, ἔστω δὲ λευκὸν τὸ ὄξοσ, κἄπειτα μῖξαι ἀμόργην ἐλαιέων καὶ ὀῤῬὸν πίσσησ, τοῦτο ὠμόν‧ καὶ ἐπαλείφειν, καὶ καταστάζειν, καὶ ἐπιδεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΕΛΚΩΝ., 12.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 12.)

상위

목록

SEARCH

MENU NAVIGATION