Hippocrates, Oeuvres Completes D'Hippocrate., ΠΕΡΙ ΕΛΚΩΝ., 21.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 21.)

Μαλθακώδεα, τοῖσίδε χρη τοῖσι φαρμάκοισι χρῆσθαι ἐν χειμῶνι μᾶλλον ἢ ἐν θέρει‧ φάρμακα μαλθακώδεα, ἃ καὶ οὐλὰσ καλὰσ ποιέει‧ σκίλλησ τὸ εἴσω τὸ μυξῶδεσ τρίψασ, ἢ πεύκην σὺν συείῳ στέατι νέῳ, ὀλίγον ἔλαιον καὶ Ῥητίνησ ὀλίγον, καὶ ψιμυθίου. ‐‐ Ἕτερον‧ στέαρ αἰγὸσ, σποδὸσ, χαλκῖτισ κυανέη, ἔλαιον. ‐‐ Καὶ στέαρ χηνὸσ, καὶ συὸσ νέον, καὶ σκίλλαν, καὶ ἔλαιον ὀλίγον. ‐Κηρὸσ ὡσ λευκότατοσ, στέαρ πρόσφατον καθαρόν. ‐‐ Ἢ σκίλλαν, ἔλαιον λευκὸν, Ῥητίνησ ὀλίγον. ‐‐ Κηρὸν, στέαρ συὸσ παλαιὸν καὶ νέον, καὶ ἔλαιον, καὶ ἰὸσ, καὶ σκίλλα, καὶ Ῥητίνη, ἔστω δὲ δύο μοῖραι τοῦ παλαιοῦ στέατοσ πρὸσ τὸ νέον, τῶν δὲ ἄλλων ὁκόσον δοκέει καιρὸσ εἶναι. ‐‐ Στέαρ συντήξασ πρόσφατον, ἀποχέασ ἐσ ἕτερον χυτρίδιον, καὶ τῆσ μολυβδαίνησ τρίψασ ὡσ λειότατον, διαττήσασ, ξυμμίξασ, ἕψειν, καὶ κυκᾷν τὸ πρῶτον, ἑψεῖν δὲ ἑώσ ἂν ἐπισταχθὲν ἐπὶ γῆσ πηγνύηται, ἔπειτα καθελὼν ἀποχέαι τὸ ἄλλο πλὴν τῆσ λίθου τῆσ ὑποστάσησ, καὶ ἐμβάλλειν Ῥητίνην καὶ ἀνακινέειν, κέδρινον ἔλαιον ὀλίγον ξυμμίξασ καὶ τὸ ἀφῃρημένον. Πᾶσι χρὴ τοῖσι μαλθακοῖσιν ὅκου ἂν Ῥητίνην ξυμμιγνύῃσ, ἐπειδὰν ἀφέλῃσ ἀπὸ τοῦ πυρὸσ τὸ φάρμακον, ἐσ θερμὸν ἔτι ἐὸν καθεὶσ τὴν Ῥητίνην κυκᾷν. ‐‐ Ἕτερον‧ στέαρ συὸσ παλαιὸν, καὶ κηρὸσ, καὶ ἔλαιον, τὰ δὲ ξηρὰ, ἰχθυήματα λωτοῦ, λιβανωτὸσ, μολύβδαινα, ἤγουν τοῦ μὲν μοῖρα, καὶ τῆσ δὲ μοῖρα, καὶ τοῦ ἰχθυήματοσ μοῖρα, ἔστω δὲ τοῦ παλαιοῦ στέατοσ δύο μοῖραι, τοῦ δὲ κηροῦ μία, καὶ τοῦ ἐλαίου μία. ‐‐ Ἢ στέαρ μόνον παλαιὸν ὑειόν, σὺν τῷδε στέαρ αἰγὸσ πρόσφατον ὡσ ἥκιστα ξὺν τῷ ὑμένι, καθήρασ, μικρὰ τρίψασ ἢ κατακόψασ λεῖα, ἔλαιον παραχέειν, καὶ παραπάσσειν τὸν μόλιβδον ξὺν τῇ σποδῷ, καὶ λωτοῦ ἰχθυημάτων τὸ ἥμισυ.

일치하는 문장이 없습니다.

SEARCH

MENU NAVIGATION