헬라어 문장 검색 - Ηιπποξ́Ηιπποξρ́2́04́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, iv.)

Ὁκόσαι δ’ ἀντικέονται τούτων πρὸσ τὰ πνεύματα τὰ ψυχρὰ τὰ μεταξὺ τῶν δυσμέων τῶν θερινῶν τοῦ ἡλίου καὶ τῆσ ἀνατολῆσ τῆσ θερινῆσ, καὶ αὐτῇσι ταῦτα τὰ πνεύματα ἐπιχώριά ἐστι, τοῦ δὲ νότου καὶ τῶν θερμῶν πνευμάτων σκέπη, ὧδε ἔχει περὶ τῶν πολίων τούτων‧ πρῶτον μὲν τὰ ὕδατα σκληρά τε καὶ ψυχρὰ ὡσ ἐπὶ τὸ πλῆθοσ ἐγγίνεται. τοὺσ δὲ ἀνθρώπουσ εὐτόνουσ τε καὶ σκελιφροὺσ ἀνάγκη εἶναι, τούσ τε πλείουσ τὰσ κοιλίασ ἀτεράμνουσ ἔχειν καὶ σκληρὰσ τὰσ κάτω, τὰσ δὲ ἄνω εὐροωτέρασ‧ χολώδεάσ τε μᾶλλον ἢ φλεγματίασ εἶναι. τὰσ δὲ κεφαλὰσ ὑγιηρὰσ ἔχουσι καὶ σκληράσ‧ Ῥηγματίαι τέ εἰσιν ἐπὶ τὸ πλῆθοσ. νοσεύματα δὲ αὐτοῖσιν ἐπιδημεῖ τάδε‧ πλευρίτιδέσ τε πολλαὶ αἵ τε ὀξεῖαι νομιζόμεναι νοῦσοι. ἀνάγκη δὲ ὧδε ἔχειν, ὁκόταν αἱ κοιλίαι σκληραὶ ἐώσιν‧ ἔμπυοί τε πολλοὶ γίνονται ἀπὸ πάσησ προφάσιοσ. τούτου δὲ αἴτιόν ἐστι τοῦ σώματοσ ἡ ἔντασισ καὶ ἡ σκληρότησ τῆσ κοιλίησ. ἡ γὰρ ξηρότησ Ῥηγματίασ ποιεῖ εἶναι καὶ τοῦ ὕδατοσ ἡ ψυχρότησ. ἐδωδοὺσ δὲ ἀνάγκη τὰσ τοιαύτασ φύσιασ εἶναι καὶ οὐ πολυπότασ‧ οὐ γὰρ οἱο͂́ν τε ἅμα πολυβόρουσ τε εἶναι καὶ πολυπότασ‧ ὀφθαλμίασ τε γίνεσθαι μὲν διὰ χρόνου, γίνεσθαι δὲ σκληρὰσ καὶ ἰσχυράσ, καὶ εὐθέωσ Ῥήγνυσθαι τὰ ὄμματα‧ αἱμορροίασ δὲ ἐκ τῶν Ῥινῶν τοῖσι νεωτέροισι τριήκοντα ἐτέων γίνεσθαι ἰσχυρὰσ τοῦ θέρεοσ‧ τά τε ἱερὰ νοσεύματα καλεύμενα, ὀλίγα μὲν ταῦτα, ἰσχυρὰ δέ. μακροβίουσ δὲ τοὺσ ἀνθρώπουσ τούτουσ μᾶλλον εἰκὸσ εἶναι τῶν ἑτέρων‧ τά τε ἕλκεα οὐ φλεγματώδεα ἐγγίνεσθαι οὐδὲ ἀγριοῦσθαι‧ τά τε ἤθεα ἀγριώτερα ἢ ἡμερώτερα. τοῖσι μὲν ἀνδράσι ταῦτα τὰ νοσήματα ἐπιχώριά ἐστι‧ καὶ χωρίσ, ἤν τι πάγκοινον κατάσχῃ ἐκ μεταβολῆσ τῶν ὡρέων‧ τῇσι δὲ γυναιξί‧ πρῶτον μὲν στερίφαι πολλαὶ γίνονται διὰ τὰ ὕδατα ἐόντα σκληρά τε καὶ ἀτέραμνα καὶ ψυχρά. αἱ γὰρ καθάρσιεσ οὐκ ἐπιγίνονται τῶν ἐπιμηνίων ἐπιτήδειαι, ἀλλὰ ὀλίγαι καὶ πονηραί. ἔπειτα τίκτουσι χαλεπῶσ‧ ἐκτιτρώσκουσι δὲ οὐ σφόδρα. ὁκόταν δὲ τέκωσι, τὰ παιδία ἀδύνατοι τρέφειν εἰσί‧ τὸ γὰρ γάλα ἀποσβέννυται ἀπὸ τῶν ὑδάτων τῆσ σκληρότητοσ καὶ ἀτεραμνίησ‧ φθίσιέσ τε γίνονται συχναὶ ἀπὸ τῶν τοκετῶν. ὑπὸ γὰρ βίησ Ῥήγματα ἴσχουσι καὶ σπάσματα. τοῖσ δὲ παιδίοισιν ὕδρωπεσ ἐγγίνονται ἐν τοῖσιν ὄρχεσιν, ἑώσ μικρὰ ᾖ‧ ἔπειτα προϊούσησ τῆσ ἡλικίησ ἀφανί ζονται‧ ἡβῶσί τε ὀψὲ ἐν ταύτῃ τῇ πόλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, iv.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, iv.)

상위

목록

SEARCH

MENU NAVIGATION