Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xiv.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xiv.)

Καὶ ὁκόσα μὲν ὀλίγον διαφέρει τῶν ἐθνέων παραλείψω, ὁκόσα δὲ μεγάλα ἢ φύσει ἢ νόμῳ, ἐρέω περὶ αὐτῶν ὡσ ἔχει. καὶ πρῶτον περὶ τῶν Μακροκεφάλων. τούτων γὰρ οὐκ ἔστιν ἄλλο ἔθνοσ ὁμοίασ τὰσ κεφαλὰσ ἔχον οὐδέν‧ τὴν μὲν γὰρ ἀρχὴν ὁ νόμοσ αἰτιώτατοσ ἐγένετο τοῦ μήκεοσ τῆσ κεφαλῆσ, νῦν δὲ καὶ ἡ φύσισ συμβάλλεται τῷ νόμῳ. τοὺσ γὰρ μακροτάτην ἔχοντασ τὴν κεφαλὴν γενναιοτάτουσ ἡγέονται. ἔχει δὲ περὶ νόμου ὧδε‧ τὸ παιδίον ὁκόταν γένηται τάχιστα, τὴν κεφαλὴν αὐτοῦ ἔτι ἁπαλὴν ἐοῦσαν μαλθακοῦ ἐόντοσ ἀναπλάσσουσι τῇσι χερσὶ καὶ ἀναγκάζουσιν ἐσ τὸ μῆκοσ αὔξεσθαι δεσμά τε προσφέροντεσ καὶ τεχνήματα ἐπιτήδεια, ὑφ’ ὧν τὸ μὲν σφαιροειδὲσ τῆσ κεφαλῆσ κακοῦται, τὸ δὲ μῆκοσ αὔξεται. οὕτωσ τὴν ἀρχὴν ὁ νόμοσ κατειργάσατο, ὥστε ὑπὸ βίησ τοιαύτην τὴν φύσιν γενέσθαι‧ τοῦ δὲ χρόνου προϊόντοσ ἐν φύσει ἐγένετο, ὥστε τὸν νόμον μηκέτι ἀναγκάζειν. ὁ γὰρ γόνοσ πανταχόθεν ἔρχεται τοῦ σώματοσ, ἀπό τε τῶν ὑγιηρῶν ὑγιηρὸσ ἀπό τε τῶν νοσερῶν νοσερόσ. εἰ οὖν γίνονται ἔκ τε φαλακρῶν φαλακροὶ καὶ ἐκ γλαυκῶν γλαυκοὶ καὶ ἐκ διεστραμμένων στρεβλοὶ ὡσ ἐπὶ τὸ πλῆθοσ, καὶ περὶ τῆσ ἄλλησ μορφῆσ ὁ αὐτὸσ λόγοσ, τί κωλύει καὶ ἐκ μακροκεφάλου μακροκέφαλον γίνεσθαι; νῦν δὲ ὁμοίωσ οὐκέτι γίνονται ὡσ πρότερον‧ ὁ γὰρ νόμοσ οὐκέτι ἰσχύει διὰ τὴν ὁμιλίην τῶν ἀνθρώπων.

일치하는 문장이 없습니다.

SEARCH

MENU NAVIGATION