헬라어 문장 검색 - ΕυριπίΣυππλιά05́0́3́

(에우리피데스, Suppliants, episode 3:)

λέγοιμ’ ἂν ἤδη. τῶν μὲν ἠγωνισμένων σοὶ μὲν δοκείτω ταῦτ’, ἐμοὶ δὲ τἀντία. ἐγὼ δ’ ἀπαυδῶ πᾶσ τε Καδμεῖοσ λεὼσ Ἄδραστον ἐσ γῆν τήνδε μὴ παριέναι· εἰ δ’ ἔστιν ἐν γῇ, πρὶν θεοῦ δῦναι σέλασ, λύσαντα σεμνὰ στεμμάτων μυστήρια τῆσδ’ ἐξελαύνειν, μηδ’ ἀναιρεῖσθαι νεκροὺσ βίᾳ, προσήκοντ’ οὐδὲν Ἀργείων πόλει. κἂν μὲν πίθῃ μοι, κυμάτων ἄτερ πόλιν σὴν ναυστολήσεισ· εἰ δὲ μή, πολὺσ κλύδων ἡμῖν τε καὶ σοὶ συμμάχοισ τ’ ἔσται δορόσ. σκέψαι δέ, καὶ μὴ τοῖσ ἐμοῖσ θυμούμενοσ λόγοισιν, ὡσ δὴ πόλιν ἐλευθέραν ἔχων, σφριγῶντ’ ἀμείψῃ μῦθον ἐκ βραχιόνων· ἐλπὶσ γάρ ἐστ’ ἄπιστον, ἣ πολλὰσ πόλεισ συνῆψ’, ἄγουσα θυμὸν εἰσ ὑπερβολάσ. ὅταν γὰρ ἔλθῃ πόλεμοσ ἐσ ψῆφον λεώ, οὐδεὶσ ἔθ’ αὑτοῦ θάνατον ἐκλογίζεται, τὸ δυστυχὲσ δὲ τοῦτ’ ἐσ ἄλλον ἐκτρέπει· εἰ δ’ ἦν παρ’ ὄμμα θάνατοσ ἐν ψήφου φορᾷ, οὐκ ἄν ποθ’ Ἑλλὰσ δοριμανὴσ ἀπώλλυτο. καίτοι δυοῖν γε πάντεσ ἄνθρωποι λόγοιν τὸν κρείσσον’ ἴσμεν, καὶ τὰ χρηστὰ καὶ κακά, ὅσῳ τε πολέμου κρεῖσσον εἰρήνη βροτοῖσ· ἣ πρῶτα μὲν Μούσαισι προσφιλεστάτη, Ποιναῖσι δ’ ἐχθρά, τέρπεται δ’ εὐπαιδίᾳ, χαίρει δὲ πλούτῳ. ταῦτ’ ἀφέντεσ οἱ κακοὶ πολέμουσ ἀναιρούμεσθα καὶ τὸν ἥσσονα δουλούμεθ’, ἄνδρεσ ἄνδρα καὶ πόλισ πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode 3:

(에우리피데스, Suppliants, episode 3:)

상위

목록

SEARCH

MENU NAVIGATION