헬라어 문장 검색 - ΕυριπίΟρεστεσ́15́2́00́

(에우리피데스, episode, iambic)

ἥκω κλύων τὰ δεινὰ καὶ δραστήρια δισσοῖν λεόντοιν· οὐ γὰρ ἄνδρ’ αὐτὼ καλῶ. ἤκουσα γὰρ δὴ τὴν ἐμὴν ξυνάορον ὡσ οὐ τέθνηκεν, ἀλλ’ ἄφαντοσ οἴχεται ‐ κενὴν ἀκούσασ βάξιν, ἣν φόβῳ σφαλεὶσ ἤγγειλέ μοί τισ. ἀλλὰ τοῦ μητροκτόνου τεχνάσματ’ ἐστὶ ταῦτα καὶ πολὺσ γέλωσ. ἀνοιγέτω τισ δῶμα· προσπόλοισ λέγω ὠθεῖν πύλασ τάσδ’, ὡσ ἂν ἀλλὰ παῖδ’ ἐμὴν ῥυσώμεθ’ ἀνδρῶν ἐκ χερῶν μιαιφόνων, καὶ τὴν τάλαιναν ἀθλίαν δάμαρτ’ ἐμὴν λάβωμεν, ᾗ δεῖ ξυνθανεῖν ἐμῇ χερὶ τοὺσ διολέσαντασ τὴν ἐμὴν ξυνάορον. οὗτοσ σύ, κλῄθρων τῶνδε μὴ ψαύσῃσ χερί· Μενέλαον εἶπον, ὃσ πεπύργωσαι θράσει· ἢ τῷδε θριγκῷ κρᾶτα συνθραύσω σέθεν, ῥήξασ παλαιὰ γεῖσα, τεκτόνων πόνον. μοχλοῖσ δ’ ἄραρε κλῇθρα, σῆσ βοηδρόμου σπουδῆσ ἅ σ’ εἴρξει, μὴ δόμων ἔσω περᾶν. ἐά, τί χρῆμα; λαμπάδων ὁρῶ σέλασ, δόμων δ’ ἐπ’ ἄκρων τούσδε πυργηρουμένουσ, ξίφοσ δ’ ἐμῆσ θυγατρὸσ ἐπίφρουρον δέρῃ. πότερον ἐρωτᾶν ἢ κλύειν ἐμοῦ θέλεισ; οὐδέτερ’· ἀνάγκη δ’, ὡσ ἐοίκε, σου κλύειν. μέλλω κτενεῖν σου θυγατέρ’, εἰ βούλῃ μαθεῖν. Ἑλένην φονεύσασ ἐπὶ φόνῳ πράσσεισ φόνον; εἰ γὰρ κατέσχον μὴ θεῶν κλεφθεὶσ ὕπο. ἀρνῇ κατακτὰσ κἀφ’ ὕβρει λέγεισ τάδε; λυπράν γε τὴν ἄρνησιν· εἰ γὰρ ὤφελον ‐ τί χρῆμα δρᾶσαι; παρακαλεῖσ γὰρ ἐσ φόβον. τὴν Ἑλλάδοσ μιάστορ’ εἰσ Αἵδου βαλεῖν. ἀπόδοσ δάμαρτοσ νέκυν, ὅπωσ χώσω τάφῳ. θεοὺσ ἀπαίτει. παῖδα δὲ κτενῶ σέθεν. ὁ μητροφόντησ ἐπὶ φόνῳ πράσσει φόνον; ὁ πατρὸσ ἀμύντωρ, ὃν σὺ προύδωκασ θανεῖν. οὐκ ἤρκεσέν σοι τὸ παρὸν αἷμα μητέροσ; οὐκ ἂν κάμοιμι τὰσ κακὰσ κτείνων ἀεί. ἦ καὶ σύ, Πυλάδη, τοῦδε κοινωνεῖσ φόνου; φησὶν σιωπῶν· ἀρκέσω δ’ ἐγὼ λέγων. ἀλλ’ οὔτι χαίρων, ἤν γε μὴ φύγῃσ πτεροῖσ. οὐ φευξόμεσθα· πυρὶ δ’ ἀνάψομεν δόμουσ. ἦ γὰρ πατρῷον δῶμα πορθήσεισ τόδε; ὡσ μή γ’ ἔχῃσ σύ, τήνδ’ ἐπισφάξασ πυρί. κτεῖν’· ὡσ κτανών γε τῶνδέ μοι δώσεισ δίκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode, iambic

(에우리피데스, episode, iambic)

목록

SEARCH

MENU NAVIGATION