Diogenes Laertius, Lives of Eminent Philosophers, B, Kef. h'. ARISTIPPOS 12:

Πρὸσ Χαρώνδαν εἰπόντα, οἱ δὲ πρὸσ Φαίδωνα, τίσ ὁ μεμυρισμένοσ; "ἐγώ," φησίν, "ὁ κακοδαίμων, κἀμοῦ κακοδαιμονέστεροσ ὁ Περσῶν βασιλεύσ. ἀλλ’ ὁρ́α μὴ ὡσ οὐδὲν τῶν ἄλλων ζῴων παρὰ τοῦτό τι ἐλαττοῦται, οὕτωσ οὐδ’ ἂν ὁ ἄνθρωποσ. κακοὶ κακῶσ δ’ ἀπόλοιντο οἱ κίναιδοι, οἵτινεσ καλὸν ἡμῖν ἄλειμμα διαβάλλουσιν. " ἐρωτώμενοσ πῶσ ἀπέθανε Σωκράτησ, ἔφη, "ὡσ ἂν ἐγὼ εὐξαίμην. " Πολυξένου ποτὲ τοῦ σοφιστοῦ εἰσελθόντοσ πρὸσ αὐτὸν καὶ θεασαμένου γυναῖκάσ τε καὶ πολυτελῆ ὀψωνίαν, ἔπειτα αἰτιασαμένου, μικρὸν διαλιπών, "δύνασαι," ἔφη, "καὶ σὺ σήμερον μεθ’ ἡμῶν γενέσθαι;