Dinarchus, Speeches, Κατὰ Φιλοκλέους 20:

τί οὖν ἀναμενεῖτ’, ὦ Ἀθηναῖοι; καὶ ποῖα ἀδικήματα ζητεῖτε ἕτερα μείζω τῶν εἰρημένων ἀκοῦσαι; οὐχ ὑμεῖσ ἐστε καὶ οἱ ὑμέτεροι πρόγονοι οἱ Τιμοθέῳ Πελοπόννησον περιπλεύσαντι καὶ τὴν ἐν Κερκύρᾳ ναυμαχίαν Λακεδαιμονίουσ νικήσαντι καὶ Κόνωνοσ υἱεῖ τοῦ τοὺσ Ἕλληνασ ἐλευθερώσαντοσ καὶ Σάμον λαβόντι καὶ Μεθώνην καὶ Πύδναν καὶ Ποτείδαιαν, καὶ πρὸσ ταύταισ ἑτέρασ εἴκοσι πόλεισ, οὐδὲν τούτων ὑπόλογον ποιησάμενοι; οὐδὲ τῆσ τότε ἐνεστώσησ κρίσεωσ καὶ τῶν ὁρ́κων οὓσ ὀμωμοκότεσ φέρετε τὴν ψῆφον ἀντικαταλλαξάμενοι τὰσ τηλικαύτασ εὐεργεσίασ, ἀλλ’ ἑκατὸν ταλάντων τιμήσαντεσ, ὅτι χρήματ’ αὐτὸν Ἀριστοφῶν ἔφη παρὰ Χίων εἰληφέναι καὶ Ῥοδίων;