Dinarchus, Speeches, Κατὰ Φιλοκλέους 19:

ὑμεῖσ δ’ οἱ τῆσ δημοκρατίασ καὶ τῶν νόμων φύλακεσ, οἷσ ἡ τύχη καὶ ὁ κλῆροσ ὑπὲρ τοῦ δήμου δικάσοντασ ἐπέτρεψεν, φείσεσθε τοῦ τοιαῦτα διαπεπραγμένου, καὶ τὸ πέρασ ἔχοντεσ τῶν ἐν τῇ πόλει ἁπάντων δικαίων ἀτιμώρητον ἀφήσετε τὸν δωροδόκον καὶ πάντων τῶν γεγενημένων κακῶν αἴτιον, ὅσ, ὅπερ καὶ μικρῷ πρότερον εἶπον, μόνοσ τῶν πονηρῶν πάντων τρὶσ οὐχ ἅπαξ ἀποπέφανται, καὶ τρὶσ ἤδη δικαίωσ [ἂν] ἐζημιωμένοσ θανάτῳ κατὰ τὸ αὑτοῦ ψήφισμα.