Arrian, Anabasis, book 2, chapter 17 4:

καὶ ταῖσ τε ἐκ Μακεδονίασ ναυσὶ καὶ ταῖσ Φοινίσσαισ πλεόντων ἡμῶν τὴν θάλασσαν καὶ Κύπρου ἅμα προσγενομένησ θαλασσοκρατοῖμέν τε ἂν βεβαίωσ καὶ ὁ ἐσ Αἴγυπτον στόλοσ εὐμαρῶσ ἡμῖν ἐν ταὐτῷ γίγνεται. Αἴγυπτον δὲ παραστησαμένοισ ὑπέρ τε τῆσ Ἑλλάδοσ καὶ τῆσ οἰκείασ οὐδὲν ἔτι ὕποπτον ὑπολείπεται, τόν τε ἐπὶ Βαβυλῶνοσ στόλον μετὰ τοῦ ἐσ τὰ οἴκοι ἀσφαλοῦσ καὶ ξὺν μείζονι ἅμα ἀξιώσει ποιησόμεθα ἀποτετμημένοι τήν τε θάλασσαν Περσῶν ξύμπασαν καὶ τὴν ἐπὶ τάδε τοῦ Εὐφράτου γῆν.