Arrian, Anabasis, book 2, chapter 15

(아리아노스, Anabasis, book 2, chapter 15)

Πρὸσ μὲν Δαρεῖον ταῦτ̓ ἐπέστειλεν. ἐπεὶ δ̓ ἔμαθεν τά τε χρήματα ὅσα σὺν Κωφῆνι τῷ Ἀρταβάζου ἀποπεπόμφει εἰσ Δαμασκὸν Δαρεῖοσ ὅτι ἑάλωκε, καὶ ὅσοι Περσῶν ἀμφ̓ αὐτὰ ἐγκατελείφθησαν ξὺν τῇ ἄλλῃ βασιλικῇ κατασκευῇ ὅτι καὶ οὗτοι ἑάλωσαν, ταῦτα μὲν ὀπίσω κομίσαντα ἐσ Δαμασκὸν Παρμενίωνα φυλάσσειν ἐκέλευε. τοὺσ δὲ πρέσβεισ τῶν Ἑλλήνων οἳ πρὸσ Δαρεῖον πρὸ τῆσ μάχησ ἀφιγμένοι ἦσαν, ἐπεὶ καὶ τούτουσ ἑαλωκέναι ἔμαθεν, παῤ αὑτὸν πέμπειν ἐκέλευεν.

ἦσαν δὲ Εὐθυκλῆσ μὲν Σπαρτιάτησ, Θεσσαλίσκοσ δὲ Ἰσμηνίου καὶ Διονυσόδωροσ Ὀλυμπιονίκησ Θηβαῖοι, Ἰφικράτησ δὲ ὁ Ἰφικράτουσ τοῦ στρατηγοῦ Ἀθηναῖοσ. καὶ οὗτοι ὡσ ἧκον παρὰ Ἀλέξανδρον, Θεσσαλίσκον μὲν καὶ Διονυσόδωρον καίπερ Θηβαίουσ ὄντασ εὐθὺσ ἀφῆκεν, τὸ μέν τι κατοικτίσει τῶν Θηβῶν, τὸ δὲ ὅτι συγγνωστὰ δεδρακέναι ἐφαίνοντο, ἠνδραποδισμένησ ὑπὸ Μακεδόνων τῆσ πατρίδοσ σφίσιν τε ἥντινα ἠδύναντο ὠφέλειαν εὑρισκόμενοι καὶ εἰ δή τινα καὶ τῇ πατρίδι ἐκ Περσῶν καὶ Δαρείου·

ταῦτα μὲν ὑπὲρ ἀμφοῖν ἐπιεικῆ ἐνθυμηθείσ, ἰδίᾳ δὲ Θεσσαλίσκον μὲν αἰδοῖ τοῦ γένουσ ἀφιέναι εἶπεν, ὅτι τῶν ἐπιφανῶν Θηβαίων ἦν, Διονυσόδωρον δὲ ἐπὶ τῇ νίκῃ τῶν Ὀλυμπίων.

Ἰφικράτην δὲ φιλίᾳ τε τῆσ Ἀθηναίων πόλεωσ καὶ μνήμῃ τῆσ δόξησ τοῦ πατρὸσ ζῶντά τε ἀμφ̓ αὑτὸν ἔχων ἐσ τὰ μάλιστα ἐτίμησε καὶ νόσῳ τελευτήσαντοσ τὰ ὀστᾶ ἐσ τὰσ Ἀθήνασ τοῖσ πρὸσ γένουσ ἀπέπεμψεν. Εὐθυκλέα δὲ Λακεδαιμόνιόν τε ὄντα, πόλεωσ περιφανῶσ ἐχθρᾶσ ἐν τῷ τότε, καὶ αὐτὸν οὐδὲν ἰδίᾳ εὑρισκόμενον ἐσ ξυγγνώμην ὅ τι καὶ λόγου ἄξιον, τὰ μὲν πρῶτα ἐν φυλακῇ ἀδέσμῳ εἶχεν, ὕστερον δέ, ὡσ ἐπὶ μέγα εὐτύχει, καὶ τοῦτον ἀφῆκεν.

Ἐκ Μαράθου δὲ ὁρμηθεὶσ Βύβλον τε λαμβάνει ὁμολογίᾳ ἐνδοθεῖσαν καὶ Σιδῶνα αὐτῶν Σιδωνίων ἐπικαλεσαμένων κατὰ ἔχθοσ τὸ Περσῶν καὶ Δαρείου.

ἐντεῦθεν δὲ προὐχώρει ὡσ ἐπὶ Τύρον· καὶ ἐντυγχάνουσιν αὐτῷ κατὰ τὴν ὁδὸν πρέσβεισ Τυρίων ἀπὸ τοῦ κοινοῦ ἐσταλμένοι ὡσ ἐγνωκότων Τυρίων πράσσειν ὅ τι ἂν ἐπαγγέλλῃ Ἀλέξανδροσ. ὁ δὲ τήν τε πόλιν ἐπαινέσασ καὶ τοὺσ πρέσβεισ ̔καὶ γὰρ ἦσαν τῶν ἐπιφανῶν ἐν Τύρῳ οἵ τε ἄλλοι καὶ ὁ τοῦ βασιλέωσ τῶν Τυρίων παῖσ.

αὐτὸσ δὲ ὁ βασιλεὺσ Ἀζέμιλκοσ μετ̓ Αὐτοφραδάτου ἔπλεἰ ἐκέλευσεν ἐπανελθόντασ φράσαι Τυρίοισ, ὅτι ἐθέλοι παρελθὼν ἐσ τὴν πόλιν θῦσαι τῷ Ἡρακλεῖ.

일치하는 문장이 없습니다.

SEARCH

MENU NAVIGATION