Aristophanes, Thesmophoriazusae, Episode

ἆ ποῖ σὺ φεύγεισ; οὗτοσ οὗτοσ οὐ μενεῖσ; τάλαιν’ ἐγὼ τάλαινα, καὶ τὸ παιδίον ἐξαρπάσασ μοι φροῦδοσ ἀπὸ τοῦ τιτθίου. κέκραχθι· τοῦτο δ’ οὐδέποτε σὺ ψωμιεῖσ, ἢν μή μ’ ἀφῆτ’· ἀλλ’ ἐνθάδ’ ἐπὶ τῶν μηρίων πληγὲν μαχαίρᾳ τῇδε φοινίασ φλέβασ καθαιματώσει βωμόν. ὦ τάλαιν’ ἐγώ. γυναῖκεσ, οὐκ ἀρήξετ’; οὐ πολλὴν βοὴν στήσεσθε καὶ τροπαῖον, ἀλλὰ τοῦ μόνου τέκνου με περιόψεσθ’ ἀποστερουμένην;