헬라어 문장 검색 - ΑριστοπήΒιρδσ́10́0́0́

(아리스토파네스, Birds, Lyric-Scene)

ταυτὶ τοιαυτί· μὰ Δί’ ἐγὼ μὲν πρᾶγμά πω γελοιότερον οὐκ εἶδον οὐδεπώποτε. ἐπὶ τῷ γελᾷσ; ἐπὶ τοῖσι σοῖσ ὠκυπτέροισ. οἶσθ’ ᾧ μάλιστ’ ἐοίκασ ἐπτερωμένοσ; εἰσ εὐτέλειαν χηνὶ συγγεγραμμένῳ. σὺ δὲ κοψίχῳ γε σκάφιον ἀποτετιλμένῳ. ταυτὶ μὲν ᾐκάσμεσθα κατὰ τὸν Αἰσχύλον· τάδ’ οὐχ ὑπ’ ἄλλων ἀλλὰ τοῖσ αὑτῶν πτεροῖσ. ἄγε δὴ τί χρὴ δρᾶν; πρῶτον ὄνομα τῇ πόλει θέσθαι τι μέγα καὶ κλεινόν, εἶτα τοῖσ θεοῖσ θῦσαι μετὰ τοῦτο. ταῦτα κἀμοὶ συνδοκεῖ. φέρ’ ἴδω, τί δ’ ἡμῖν τοὔνομ’ ἔσται τῇ πόλει; βούλεσθε τὸ μέγα τοῦτο τοὐκ Λακεδαίμονοσ Σπάρτην ὄνομα καλῶμεν αὐτήν; Ἡράκλεισ· Σπάρτην γὰρ ἂν θείμην ἐγὼ τἠμῇ πόλει; οὐδ’ ἂν χαμεύνῃ πάνυ γε κειρίαν γ’ ἔχων. τί δῆτ’ ὄνομ’ αὐτῇ θησόμεσθ’; ἐντευθενὶ ἐκ τῶν νεφελῶν καὶ τῶν μετεώρων χωρίων χαῦνόν τι πάνυ. βούλει Νεφελοκοκκυγίαν; ἰοὺ ἰού· καλόν γ’ ἀτεχνῶσ <σὺ> καὶ μέγ’ ηὑρ͂εσ τοὔνομα. ἆρ’ ἐστὶν αὑτηγὶ Νεφελοκοκκυγία, ἵνα καὶ τὰ Θεογένουσ τὰ πολλὰ χρήματα τά τ’ Αἰσχίνου γ’ ἅπαντα; καὶ λῷστον μὲν οὖν τὸ Φλέγρασ πεδίον, ἵν’ οἱ θεοὶ τοὺσ γηγενεῖσ ἀλαζονευόμενοι καθυπερηκόντισαν. λιπαρὸν τὸ χρῆμα τῆσ πόλεωσ. τίσ δαὶ θεὸσ πολιοῦχοσ ἔσται; τῷ ξανοῦμεν τὸν πέπλον; τί δ’ οὐκ Ἀθηναίαν ἐῶμεν Πολιάδα; καὶ πῶσ ἂν ἔτι γένοιτ’ ἂν εὔτακτοσ πόλισ, ὅπου θεὸσ γυνὴ γεγονυῖα πανοπλίαν ἕστηκ’ ἔχουσα, Κλεισθένησ δὲ κερκίδα; τίσ δαὶ καθέξει τῆσ πόλεωσ τὸ Πελαργικόν; ὄρνισ ἀφ’ ἡμῶν τοῦ γένουσ τοῦ Περσικοῦ, ὅσπερ λέγεται δεινότατοσ εἶναι πανταχοῦ Ἄρεωσ νεοττόσ. ὦ νεοττὲ δέσποτα· ὡσ δ’ ὁ θεὸσ ἐπιτήδειοσ οἰκεῖν ἐπὶ πετρῶν. ἄγε νυν σὺ μὲν βάδιζε πρὸσ τὸν ἀέρα καὶ τοῖσι τειχίζουσι παραδιακόνει, χάλικασ παραφόρει, πηλὸν ἀποδὺσ ὄργασον, λεκάνην ἀνένεγκε, κατάπεσ’ ἀπὸ τῆσ κλίμακοσ, φύλακασ κατάστησαι, τὸ πῦρ ἔγκρυπτ’ ἀεί, κωδωνοφορῶν περίτρεχε καὶ κάθευδ’ ἐκεῖ· κήρυκα δὲ πέμψον τὸν μὲν ἐσ θεοὺσ ἄνω, ἕτερον δ’ ἄνωθεν ἀῦ παρ’ ἀνθρώπουσ κάτω, κἀκεῖθεν αὖθισ παρ’ ἐμέ. σὺ δέ γ’ αὐτοῦ μένων οἴμωζε παρ’ ἔμ’. ἴθ’ ὦγάθ’ οἷ πέμπω σ’ ἐγώ. οὐδὲν γὰρ ἄνευ σοῦ τῶνδ’ ἃ λέγω πεπράξεται. ἐγὼ δ’ ἵνα θύσω τοῖσι καινοῖσιν θεοῖσ, τὸν ἱερέα πέμψοντα τὴν πομπὴν καλῶ. παῖ παῖ, τὸ κανοῦν αἴρεσθε καὶ τὴν χέρνιβα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Lyric-Scene

(아리스토파네스, Birds, Lyric-Scene)

상위

목록

SEARCH

MENU NAVIGATION