Apollodorus, Library and Epitome, book 1, chapter 7 7:

Αἰτωλοῦ δὲ καὶ Προνόησ τῆσ Φόρβου Πλευρὼν καὶ Καλυδὼν ἐγένοντο, ἀφ’ ὧν αἱ ἐν Αἰτωλίᾳ πόλεισ ὠνομάσθησαν. Πλευρὼν μὲν οὖν γήμασ Ξανθίππην τὴν Δώρου παῖδα ἐγέννησεν Ἀγήνορα, θυγατέρασ δὲ Στερόπην καὶ Στρατονίκην καὶ Λαοφόντην· Καλυδῶνοσ δὲ καὶ Αἰολίασ τῆσ Ἀμυθάονοσ Ἐπικάστη <καὶ> Πρωτογένεια, ἐξ ἧσ καὶ Ἄρεοσ Ὄξυλοσ. Ἀγήνωρ δὲ ὁ Πλευρῶνοσ γήμασ Ἐπικάστην τὴν Καλυδῶνοσ ἐγέννησε Πορθάονα καὶ Δημονίκην, ἧσ καὶ Ἄρεοσ Εὐήνοσ Μῶλοσ Πύλοσ Θέστιοσ.