Andocides, Speeches, Ἀνδοκίδου κατὰ Ἀλκιβιάδου 34:

(안도키데스, 연설, Ἀνδοκίδου κατὰ Ἀλκιβιάδου 34:)

ἄξιον δὲ τὴν τόλμαν αὐτοῦ σαφέστερον ἔτι διελθεῖν. ἐκ ταύτησ γὰρ παιδοποιεῖται τῆσ γυναικόσ, ἣν ἀντ’ ἐλευθέρασ δούλην κατέστησε, καὶ ἧσ τὸν πατέρα καὶ τοὺσ προσήκοντασ ἀπέκτεινε, καὶ ἧσ τὴν πόλιν ἀνάστατον πεποίηκεν, ὡσ ἂν μάλιστα τὸν υἱὸν ἐχθρὸν ἑαυτῷ καὶ τῇ πόλει ποιήσειε· τοσαύταισ ἀνάγκαισ κατείληπται μισεῖν. ἀλλ’ ὑμεῖσ ἐν μὲν ταῖσ τραγῳδίαισ τοιαῦτα θεωροῦντεσ δεινὰ νομίζετε, γιγνόμενα δ’ ἐν τῇ πόλει ὁρῶντεσ οὐδὲν φροντίζετε. καίτοι ἐκεῖνα μὲν οὐκ ἐπίστασθε πότερον οὕτω γεγένηται ἢ πέπλασται ὑπὸ τῶν ποιητῶν· ταῦτα δὲ σαφῶσ εἰδότεσ οὕτω παρανόμωσ πεπραγμένα ῥᾳθύμωσ φέρετε.

일치하는 문장이 없습니다.

SEARCH

MENU NAVIGATION