Andocides, Speeches, Περὶ τῆσ πρὸσ Λακεδιμονίουσ εἰρήνης 22:

φέρε, ἀλλὰ Χερρόνησον καὶ τὰσ ἀποικίασ καὶ τὰ ἐγκτήματα καὶ τὰ χρέα ἵνα ἀπολάβωμεν; ἀλλ’ οὔτε βασιλεὺσ οὔτε οἱ σύμμαχοι συγχωροῦσιν ἡμῖν, μεθ’ ὧν αὐτὰ δεῖ πολεμοῦντασ κτήσασθαι. ἀλλὰ νὴ Δία ἑώσ ἂν Λακεδαιμονίουσ καταπολεμήσωμεν καὶ τοὺσ συμμάχουσ αὐτῶν, μέχρι τούτου δεῖ πολεμεῖν; ἀλλ’ οὔ μοι δοκοῦμεν οὕτω παρεσκευάσθαι. ἐὰν δ’ ἄρα κατεργασώμεθα, τί ποτε αὐτοὶ πείσεσθαι δοκοῦμεν ὑπὸ τῶν βαρβάρων, ὅταν ταῦτα πράξωμεν;