Andocides, Speeches, Περὶ τῶν μυστηρίων 134:

κατὰ μὲν τὸ ψήφισμα τουτὶ τοὺσ ἀτίμουσ ἐπιτίμουσ ἐποιήσατε· τοὺσ δὲ φεύγοντασ οὔτε Πατροκλείδησ εἶπε κατιέναι οὔθ’ ὑμεῖσ ἐψηφίσασθε. ἐπεὶ δ’ αἱ σπονδαὶ πρὸσ Λακεδαιμονίουσ ἐγένοντο, καὶ τὰ τείχη καθείλετε, καὶ τοὺσ φεύγοντασ κατεδέξασθε, καὶ κατέστησαν οἱ τριάκοντα, καὶ μετὰ ταῦτα Φυλή τε κατελήφθη Μουνυχίαν τε κατέλαβον, ἐγένετό <θ’> ὑμῖν ὧν ἐγὼ οὐδὲν δέομαι μεμνῆσθαι οὐδ’ ἀναμιμνῄσκειν ὑμᾶσ τῶν γεγενημένων κακῶν.