Andocides, Speeches, Περὶ τῶν μυστηρίων 107:

οἱ δ’ αἰσθόμενοι δεινὰ ἐποίουν, ὅτι εἰδείην μὲν τὸ πρᾶγμα, πεποιηκὼσ δὲ οὐκ εἰήν. προσελθόντεσ δέ μοι τῇ ὑστεραίᾳ Μέλητοσ καὶ Εὐφίλητοσ ἔλεγον ὅτι "γεγένηται, ὦ Ἀνδοκίδη, καὶ πέπρακται ἡμῖν ταῦτα. σὺ μέντοι εἰ μὲν ἀξιοῖσ ἡσυχίαν ἔχειν καὶ σιωπᾶν, ἕξεισ ἡμᾶσ ἐπιτηδείουσ ὥσπερ καὶ πρότερον· εἰ δὲ μή, χαλεπώτεροί σοι ἡμεῖσ ἐχθροὶ ἐσόμεθα ἢ ἄλλοι τινὲσ δι’ ἡμᾶσ φίλοι.