Aeschylus, Eumenides, episode 8:

τὸ μήτ’ ἄναρχον μήτε δεσποτούμενον ἀστοῖσ περιστέλλουσι βουλεύω σέβειν, καὶ μὴ τὸ δεινὸν πᾶν πόλεωσ ἔξω βαλεῖν. τίσ γὰρ δεδοικὼσ μηδὲν ἔνδικοσ βροτῶν; τοιόνδε τοι ταρβοῦντεσ ἐνδίκωσ σέβασ ἔρυμά τε χώρασ καὶ πόλεωσ σωτήριον ἔχοιτ’ ἄν, οἱο͂ν οὔτισ ἀνθρώπων ἔχει, οὔτ’ ἐν Σκύθῃσιν οὔτε Πέλοποσ ἐν τόποισ. κερδῶν ἄθικτον τοῦτο βουλευτήριον, αἰδοῖον, ὀξύθυμον, εὑδόντων ὕπερ ἐγρηγορὸσ φρούρημα γῆσ καθίσταμαι.