헬라어 문장 검색 - Αεσξηψ́Αγαμεμν́05́00́01́

(아이스킬로스, 아가멤논, episode 1:)

κῆρυξ Ἀχαιῶν χαῖρε τῶν ἀπὸ στρατοῦ. χαίρω <γε>· τεθνάναι δ’ οὐκέτ’ ἀντερῶ θεοῖσ. ἔρωσ πατρῴασ τῆσδε γῆσ σ’ ἐγύμνασεν; ὥστ’ ἐνδακρύειν γ’ ὄμμασιν χαρᾶσ ὕπο. τερπνῆσ ἄρ’ ἦτε τῆσδ’ ἐπήβολοι νόσου. πῶσ δή; διδαχθεὶσ τοῦδε δεσπόσω λόγου. τῶν ἀντερώντων ἱμέρῳ πεπληγμένοι. ποθεῖν ποθοῦντα τήνδε γῆν στρατὸν λέγεισ; ὡσ πόλλ’ ἀμαυρᾶσ ἐκ φρενόσ <μ’> ἀναστένειν πόθεν τὸ δύσφρον τοῦτ’ ἐπῆν θυμῷ στύγοσ; πάλαι τὸ σιγᾶν φάρμακον βλάβησ ἔχω. καὶ πῶσ; ἀπόντων κοιράνων ἔτρεισ τινάσ; ὡσ νῦν, τὸ σὸν δή, καὶ θανεῖν πολλὴ χάρισ. εὖ γὰρ πέπρακται. ταῦτα δ’ ἐν πολλῷ χρόνῳ τὰ μέν τισ ἂν λέξειεν εὐπετῶσ ἔχειν, τὰ δ’ αὖτε κἀπίμομφα. τίσ δὲ πλὴν θεῶν ἅπαντ’ ἀπήμων τὸν δι’ αἰῶνοσ χρόνον; μόχθουσ γὰρ εἰ λέγοιμι καὶ δυσαυλίασ, σπαρνὰσ παρήξεισ καὶ κακοστρώτουσ, τί δ’ οὐ στένοντεσ, οὐ λαχόντεσ ἤματοσ μέροσ; τὰ δ’ αὖτε χέρσῳ καὶ προσῆν πλέον στύγοσ· εὐναὶ γὰρ ἦσαν δηί̈ων πρὸσ τείχεσιν· ἐξ οὐρανοῦ δὲ κἀπὸ γῆσ λειμώνιαι δρόσοι κατεψάκαζον, ἔμπεδον σίνοσ ἐσθημάτων, τιθέντεσ ἔνθηρον τρίχα. χειμῶνα δ’ εἰ λέγοι τισ οἰωνοκτόνον, οἱο͂ν παρεῖχ’ ἄφερτον Ἰδαία χιών, ἢ θάλποσ, εὖτε πόντοσ ἐν μεσημβριναῖσ κοίταισ ἀκύμων νηνέμοισ εὕδοι πεσών τί ταῦτα πενθεῖν δεῖ; παροίχεται πόνοσ· παροίχεται δέ, τοῖσι μὲν τεθνηκόσιν τὸ μήποτ’ αὖθισ μηδ’ ἀναστῆναι μέλειν. τί τοὺσ ἀναλωθέντασ ἐν ψήφῳ λέγειν, τὸν ζῶντα δ’ ἀλγεῖν χρὴ τύχησ παλιγκότου; καὶ πολλὰ χαίρειν ξυμφορὰσ καταξιῶ. ἡμῖν δὲ τοῖσ λοιποῖσιν Ἀργείων στρατοῦ νικᾷ τὸ κέρδοσ, πῆμα δ’ οὐκ ἀντιρρέπει· ὡσ κομπάσαι τῷδ’ εἰκὸσ ἡλίου φάει ὑπὲρ θαλάσσησ καὶ χθονὸσ ποτωμένοισ· "Τροίαν ἑλόντεσ δή ποτ’ Ἀργείων στόλοσ θεοῖσ λάφυρα ταῦτα τοῖσ καθ’ Ἑλλάδα δόμοισ ἐπασσάλευσαν ἀρχαῖον γάνοσ. " τοιαῦτα χρὴ κλύοντασ εὐλογεῖν πόλιν καὶ τοὺσ στρατηγούσ· καὶ χάρισ τιμήσεται Διὸσ τόδ’ ἐκπράξασα. πάντ’ ἔχεισ λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Agamemnon, episode 1:

(아이스킬로스, 아가멤논, episode 1:)

상위

목록

SEARCH

MENU NAVIGATION