헬라어 문장 검색 - Αεσξηψ́Αγαμεμν́05́00́00́

(아이스킬로스, 아가멤논, episode)

κήρυκ’ ἀπ’ ἀκτῆσ τόνδ’ ὁρῶ κατάσκιον κλάδοισ ἐλαίασ· μαρτυρεῖ δέ μοι κάσισ πηλοῦ ξύνουροσ διψία κόνισ τάδε, ὡσ οὔτ’ ἄναυδοσ οὔτε σοι δαίων φλόγα ὕλησ ὀρείασ σημανεῖ καπνῷ πυρόσ, ἀλλ’ ἢ τὸ χαίρειν μᾶλλον ἐκβάξει λέγων ‐ τὸν ἀντίον δὲ τοῖσδ’ ἀποστέργω λόγον· εὖ γὰρ πρὸσ εὖ φανεῖσι προσθήκη πέλοι. ‐ ὅστισ τάδ’ ἄλλωσ τῇδ’ ἐπεύχεται πόλει, αὐτὸσ φρενῶν καρποῖτο τὴν ἁμαρτίαν. ἰὼ πατρῷον οὖδασ Ἀργείασ χθονόσ, δεκάτου σε φέγγει τῷδ’ ἀφικόμην ἔτουσ, πολλῶν ῥαγεισῶν ἐλπίδων μιᾶσ τυχών. οὐ γάρ ποτ’ ηὔχουν τῇδ’ ἐν Ἀργείᾳ χθονὶ θανὼν μεθέξειν φιλτάτου τάφου μέροσ. νῦν χαῖρε μὲν χθών, χαῖρε δ’ ἡλίου φάοσ, ὕπατόσ τε χώρασ Ζεύσ, ὁ Πύθιόσ τ’ ἄναξ, τόξοισ ἰάπτων μηκέτ’ εἰσ ἡμᾶσ βέλη· ἅλισ παρὰ Σκάμανδρον ἦσθ’ ἀνάρσιοσ· νῦν δ’ αὖτε σωτὴρ ἴσθι καὶ παιώνιοσ, ἄναξ Ἄπολλον. τούσ τ’ ἀγωνίουσ θεοὺσ πάντασ προσαυδῶ, τόν τ’ ἐμὸν τιμάορον Ἑρμῆν, φίλον κήρυκα, κηρύκων σέβασ, ἡρ́ωσ τε τοὺσ πέμψαντασ, εὐμενεῖσ πάλιν στρατὸν δέχεσθαι τὸν λελειμμένον δορόσ. ἰὼ μέλαθρα βασιλέων, φίλαι στέγαι, σεμνοί τε θᾶκοι, δαίμονέσ τ’ ἀντήλιοι, εἴ που πάλαι, φαιδροῖσι τοισίδ’ ὄμμασι δέξασθε κόσμῳ βασιλέα πολλῷ χρόνῳ. ἥκει γὰρ ὑμῖν φῶσ ἐν εὐφρόνῃ φέρων καὶ τοῖσδ’ ἅπασι κοινὸν Ἀγαμέμνων ἄναξ. ἀλλ’ εὖ νιν ἀσπάσασθε, καὶ γὰρ οὖν πρέπει Τροίαν κατασκάψαντα τοῦ δικηφόρου Διὸσ μακέλλῃ, τῇ κατείργασται πέδον. βωμοὶ δ’ ἀίστοι καὶ θεῶν ἱδρύματα, καὶ σπέρμα πάσησ ἐξαπόλλυται χθονόσ. τοιόνδε Τροίᾳ περιβαλὼν ζευκτήριον ἄναξ Ἀτρείδησ πρέσβυσ εὐδαίμων ἀνὴρ ἥκει, τίεσθαι δ’ ἀξιώτατοσ βροτῶν τῶν νῦν· Πάρισ γὰρ οὔτε συντελὴσ πόλισ ἐξεύχεται τὸ δρᾶμα τοῦ πάθουσ πλέον. ὀφλὼν γὰρ ἁρπαγῆσ τε καὶ κλοπῆσ δίκην τοῦ ῥυσίου θ’ ἥμαρτε καὶ πανώλεθρον αὐτόχθονον πατρῷον ἔθρισεν δόμον. διπλᾶ δ’ ἔτεισαν Πριαμίδαι θἀμάρτια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Agamemnon, episode

(아이스킬로스, 아가멤논, episode)

상위

목록

SEARCH

MENU NAVIGATION