헬라어 문장 검색 - ΧενοπήΩορκσον́3́07́

(크세노폰, Works on Socrates, Συμπόσιον, chapter 7)

ἐκ τούτου δὲ τῶν ἄλλων οἱ μὲν ἐκέλευον εἰκάζειν, οἱ δὲ ἐκώλυον. θορύβου δὲ ὄντοσ ὁ Σωκράτησ αὖ πάλιν εἶπεν· ἆρα ἐπειδὴ πάντεσ ἐπιθυμοῦμεν λέγειν, νῦν ἂν μάλιστα καὶ ἅμα ᾄσαιμεν; καὶ εὐθὺσ τοῦτ’ εἰπὼν ἦρχεν ᾠδῆσ. ἐπεὶ δ’ ᾖσεν, εἰσεφέρετο τῇ ὀρχηστρίδι τροχὸσ τῶν κεραμεικῶν, ἐφ’ οὗ ἔμελλε θαυματουργήσειν.

ἔνθα δὴ εἶπεν ὁ Σωκράτησ· ὦ Συρακόσιε, κινδυνεύω ἐγώ, ὥσπερ σὺ λέγεισ, τῷ ὄντι φροντιστὴσ εἶναι· νῦν γοῦν σκοπῶ ὅπωσ ἂν ὁ μὲν παῖσ ὅδε ὁ σὸσ καὶ ἡ παῖσ ἥδε ὡσ ῥᾷστα διάγοιεν, ἡμεῖσ δ’ ἂν μάλιστα εὐφραινοίμεθα θεώμενοι αὐτούσ· ὅπερ εὖ οἶδα ὅτι καὶ σὺ βούλει. δοκεῖ οὖν μοι τὸ μὲν εἰσ μαχαίρασ κυβιστᾶν κινδύνου ἐπίδειγμα εἶναι, ὃ συμποσίῳ οὐδὲν προσήκει.

καὶ μὴν τό γε ἐπὶ τοῦ τροχοῦ ἅμα περιδινουμένου γράφειν τε καὶ ἀναγιγνώσκειν θαῦμα μὲν ἴσωσ τί ἐστιν, ἡδονὴν δὲ οὐδὲ ταῦτα δύναμαι γνῶναι τίν’ ἂν παράσχοι. οὐδὲ μὴν τό γε διαστρέφοντασ τὰ σώματα καὶ τροχοὺσ μιμουμένουσ ἥδιον ἢ ἡσυχίαν ἔχοντασ τοὺσ καλοὺσ καὶ ὡραίουσ θεωρεῖν. καὶ γὰρ δὴ οὐδὲ πάνυ τι σπάνιον τό γε θαυμασίοισ ἐντυχεῖν, εἴ τισ τούτου δεῖται, ἀλλ’ ἔξεστιν αὐτίκα μάλα τὰ παρόντα θαυμάζειν, τί ποτε ὁ μὲν λύχνοσ διὰ τὸ λαμπρὰν φλόγα ἔχειν φῶσ παρέχει, τὸ δὲ χαλκεῖον λαμπρὸν ὂν φῶσ μὲν οὐ ποιεῖ, ἐν αὑτῷ δὲ ἄλλα ἐμφαινόμενα παρέχεται·

καὶ πῶσ τὸ μὲν ἔλαιον ὑγρὸν ὂν αὔξει τὴν φλόγα, τὸ δὲ ὕδωρ, ὅτι ὑγρόν ἐστι, κατασβέννυσι τὸ πῦρ. ἀλλὰ γὰρ καὶ ταῦτα μὲν οὐκ εἰσ ταὐτὸν τῷ οἴνῳ ἐπισπεύδει· εἰ δὲ ὀρχοῖντο πρὸσ τὸν αὐλὸν σχήματα ἐν οἷσ Χάριτέσ τε καὶ Ὧραι καὶ Νύμφαι γράφονται, πολὺ ἂν οἶμαι αὐτούσ γε ῥᾷον διάγειν καὶ τὸ συμπόσιον πολὺ ἐπιχαριτώτερον εἶναι.

ὁ οὖν Συρακόσιοσ, ἀλλὰ ναὶ μὰ τὸν Δί’, ἔφη, ὦ Σώκρατεσ, καλῶσ τε λέγεισ καὶ ἐγὼ εἰσάξω θεάματα ἐφ’ οἷσ ὑμεῖσ εὐφρανεῖσθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Συμπόσιον, chapter 7

(크세노폰, Works on Socrates, Συμπόσιον, chapter 7)

상위

목록

SEARCH

MENU NAVIGATION