호흡부호 보기
강세부호 보기
장단부호 보기
작은 Iota 보기
모든 부호 보기
Καλλιγένησ ἀγροῖκοσ, ὅτε σπόρον ἔμβαλε γαίῃ, οἶκον Ἀριστοφάνουσ ἦλθεν ἐσ ἀστρολόγου, ᾔτεε δ’ ἐξερέειν, εἴπερ θέροσ αἴσιον αὐτῷ ἔσται, καὶ σταχύων ἄφθονοσ εὐπορίη. ὃσ δὲ λαβὼν ψηφῖδασ, ὑπὲρ πίνακόσ τε πυκάζων, δάκτυλά τε γνάμπτων, φθέγξατο Καλλιγένει· εἴπερ ἐπομβρηθῇ τὸ ἀρούριον ὅσσον ἀπόχρη, μηδὲ τιν’ ὑλαίην τέξεται ἀνθοσύνην, μηδὲ πάγοσ ῥήξῃ τὴν αὔλακα, μηδὲ χαλάζῃ ἄκρον ἀποδρυφθῇ δράγματοσ ὀρνυμένου, μηδὲ κεμὰσ κείρῃσι τὰ λήια, μηδὲ τιν’ ἄλλην ἠέροσ ἢ γαίησ ὄψεται ἀμπλακίην, ἐσθλόν σοι τὸ θέροσ μαντεύομαι, εὖ δ’ ἀποκόψεισ τοὺσ στάχυασ· μούνασ δείδιθι τὰσ ἀκρίδασ.
호흡부호 보기
강세부호 보기
장단부호 보기
작은 Iota 보기
모든 부호 보기