호흡부호 보기
강세부호 보기
장단부호 보기
작은 Iota 보기
모든 부호 보기
κεῖτο μὲν Ἀλκιμένησ κεκακωμένοσ ἐκ πυρετοῖο, καὶ περὶ λαυκανίην βραγχὰ λαρυγγιόων, νυσσόμενόσ τε τὸ πλευρὸν ἅτε ξιφέεσσιν ἀμυχθέν, καὶ θαμὰ δυσκελάδοισ ἄσθμασι πνευστιόων ἦλθε δὲ Καλλίγνωτοσ ὁ Κώιοσ, ὁ πλατυλέσχησ, τῆσ παιωνιάδοσ πληθόμενοσ σοφίησ, πᾶσαν ἔχων πρόγνωσιν ἐν ἄλγεσιν, οὔ τι περιττὸν ἄλλο προαγγέλλων ἢ τὸ γενησόμενον. Ἀλκιμένουσ δ’ ἐδόκευεν ἀνάκλισιν, ἔκ τε προσώπου φράζετο, καὶ παλάμησ ψαῦεν ἐπισταμένωσ, καὶ τὸ περὶ κρισίμων φαέων ἐλογίζετο γράμμα, πάντ’ ἀναπεμπάζων οὐχ ἑκὰσ Ἱπποκράτουσ. καὶ τότε τὴν πρόγνωσιν ἐσ Ἀλκιμένην ἀνεφώνει σεμνοπροσωπήσασ καὶ σοβαρευόμενοσ·
εἴ γε φάρυγξ βομβεῦσα, καὶ ἄγρια τύμματα πλευροῦ, καὶ πυρετῷ λήξει πνεῦμα δασυνόμενον, οὐκέτι τεθνήξει πλευρίτιδι·
τοῦτο γὰρ ἡμῖν σύμβολον ἐσσομένησ ἐστὶν ἀπημοσύνησ. εὖ διαθείσ, βιότου λῆγε μεριμνοτόκου, καί με τὸν ἰητρόν, προρρήσιοσ εἵνεκεν ἐσθλῆσ, ἐν τριτάτᾐ μοίρᾐ κάλλιπε κληρονόμον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기