호흡부호 보기
강세부호 보기
장단부호 보기
작은 Iota 보기
모든 부호 보기
μεσοποταμία δ’ ἀπὸ τοῦ συμβεβηκότοσ ὠνόμασται· εἴρηται δ’ ὅτι κεῖται τοῦ Εὐφράτου μεταξὺ καὶ τοῦ Τίγριοσ καὶ διότι ὁ μὲν Τίγρισ τὸ ἑωθινὸν αὐτῆσ μόνον κλύζει πλευρόν, τὸ δ’ ἑσπέριον καὶ νότιον ὁ Εὐφράτησ· πρὸσ ἄρκτον δὲ ὁ Ταῦροσ ὁ τοὺσ Ἀρμενίουσ διορίζων ἀπὸ τῆσ Μεσοποταμίασ. τὸ μὲν οὖν μέγιστον ὃ ἀφίστανται διάστημα ἀπ’ ἀλλήλων τὸ πρὸσ τοῖσ ὄρεσίν ἐστι· τοῦτο δ’ ἂν εἰή τὸ αὐτὸ ὅπερ εἴρηκεν Ἐρατοσθένησ, τὸ ἀπὸ Θαψάκου, καθ’ ὃ ἦν τὸ ζεῦγμα τοῦ Εὐφράτου τὸ παλαιόν, ἐπὶ τὴν τοῦ Τίγριοσ διάβασιν, καθ’ ἣν διέβη Ἀλέξανδροσ αὐτόν, δισχιλίων τετρακοσίων· τὸ δ’ ἐλάχιστον μικρῷ πλέον τῶν διακοσίων κατὰ Σελεύκειάν που καὶ Βαβυλῶνα. διαρρεῖ δ’ ὁ Τίγρισ τὴν Θωπῖτιν καλουμένην λίμνην κατὰ πλάτοσ μέσην· περαιωθεὶσ δ’ ἐπὶ θάτερον χεῖλοσ κατὰ γῆσ δύεται μετὰ πολλοῦ ψόφου καὶ ἀναφυσημάτων, ἐπὶ πολὺ δ’ ἐνεχθεὶσ ἀφανὴσ ἀνίσχει πάλιν οὐ πολὺ ἄπωθεν τῆσ Γορδυαίασ· οὕτω δὲ σφοδρῶσ διεκβάλλει τὴν λίμνην, ὥσ φησιν Ἐρατοσθένησ, ὥστε ἁλμυρὰν αὐτὴν οὖσαν καὶ ἄνιχθυν γλυκεῖαν κατὰ τοῦτ’ εἶναι τὸ μέροσ καὶ ῥοώδη καὶ ἰχθύων πλήρη.
호흡부호 보기
강세부호 보기
장단부호 보기
작은 Iota 보기
모든 부호 보기