Strabo, Geography, book 16, chapter 3

(스트라본, 지리학, book 16, chapter 3)

ὑπέρκειται δὲ τῆσ Ιοὐδαίασ καὶ τῆσ κοίλησ Συρίασ μέχρι Βαβυλωνίασ καὶ τῆσ τοῦ Εὐφράτου ποταμίασ πρὸσ νότον Ἀραβία πᾶσα χωρὶσ τῶν ἐν τῇ Μεσοποταμίᾳ σκηνιτῶν. περὶ μὲν οὖν τῆσ Μεσοποταμίασ καὶ τῶν νεμομένων αὐτὴν ἐθνῶν εἴρηται· τὰ δὲ πέραν τοῦ Εὐφράτου τὰ μὲν πρὸσ ταῖσ ἐκβολαῖσ αὐτοῦ νέμονται Βαβυλώνιοι καὶ τὸ τῶν Χαλδαίων ἔθνοσ εἴρηται δὲ περὶ τούτων, τὰ δ’ ἑξῆσ τῆσ Μεσοποταμίασ μέχρι κοίλησ Συρίασ, τὸ μὲν πλησιάζον τῷ ποταμῷ καὶ τὴν Μεσοποταμίαν σκηνῖται κατέχουσιν Ἄραβεσ, δυναστείασ ἀποτετμημένοι μικρὰσ ἐν λυπροῖσ χωρίοισ διὰ τὰσ ἀνυδρίασ, γεωργοῦντεσ μὲν ἢ οὐδὲν ἢ μικρά, νομὰσ δὲ ἔχοντεσ παντοδαπῶν θρεμμάτων καὶ μάλιστα καμήλων· ὑπὲρ δὲ τούτων ἔρημόσ ἐστι πολλή· τὰ δὲ τούτων ἔτι νοτιώτερα ἔχουσιν οἱ τὴν εὐδαίμονα καλουμένην Ἀραβίαν οἰκοῦντεσ. ταύτησ δὲ τὸ μὲν προσάρκτιον πλευρὸν ἡ λεχθεῖσά ἐστιν ἔρημοσ, τὸ δ’ ἑῷον ὁ Περσικὸσ κόλποσ, τὸ δὲ ἑσπέριον ὁ Ἀράβιοσ, τὸ δὲ νότιον ἡ μεγάλη θάλαττα ἡ ἔξω τῶν κόλπων ἀμφοῖν, ἣν ἅπασαν Ἐρυθρὰν καλοῦσιν. ὁ μὲν οὖν Περσικὸσ κόλποσ λέγεται καὶ ἡ κατὰ Πέρσασ θάλαττα.

φησὶ δὲ περὶ αὐτῆσ Ἐρατοσθένησ οὕτωσ, ὅτι τὸ μὲν στόμα φησὶν εἶναι στενὸν οὕτωσ ὥστ’ ἐξ Ἁρμόζοντοσ, τῆσ Καρμανίασ ἀκρωτηρίου, τῆσ Ἀραβίασ ἀφορᾶται τὸ ἐν Μάκαισ· ἀπὸ δὲ τοῦ στόματοσ ἡ ἐν δεξιᾷ παραλία περιφερὴσ οὖσα κατ’ ἀρχὰσ μὲν ἀπὸ τῆσ Καρμανίασ πρὸσ ἑώ μικρόν, εἶτα πρὸσ ἄρκτον νεύει, καὶ μετὰ ταῦτα πρὸσ τὴν ἑσπέραν μέχρι Τερηδόνοσ καὶ τῆσ ἐκβολῆσ τοῦ Εὐφράτου· περιέχει δὲ τήν τε Καρμανίων παραλίαν καὶ τὴν Περσῶν καὶ Σουσίων καὶ Βαβυλωνίων ἀπὸ μέρουσ, ὅσον μυρίων οὖσα σταδίων· περὶ ὧν καὶ ἡμεῖσ εἰρήκαμεν· τὸ δ’ ἐντεῦθεν ἑξῆσ ἐπὶ τὸ στόμα πάλιν ἄλλοι τοσοῦτοι, καθάπερ καὶ Ἀνδροσθένη λέγειν φησὶ τὸν Θάσιον, τὸν καὶ Νεάρχῳ συμπλεύσαντα . . . καθ’ αὑτόν· ὥστε δῆλον ἐκ τούτων εἶναι διότι μικρὸν ἀπολείπεται τῷ μεγέθει τῆσ κατὰ τὸν Εὔξεινον θαλάττησ αὕτη ἡ θάλαττα· λέγειν δέ φησιν ἐκεῖνον περιπεπλευκότα στόλῳ τὸν κόλπον, ὅτι ἀπὸ Τερηδόνοσ ἑξῆσ ἐν δεξιᾷ ἔχοντι τὴν ἤπειρον ὁ παράπλουσ ἔχει προκειμένην νῆσον Ἴκαρον, καὶ ἱερὸν Ἀπόλλωνοσ ἅγιον ἐν αὐτῇ καὶ μαντεῖον Ταυροπόλου. παραπλεύσαντι δὲ τῆσ Ἀραβίασ εἰσ δισχιλίουσ καὶ τετρακοσίουσ σταδίουσ ἐν βαθεῖ κόλπῳ κεῖται πόλισ Γέρρα, Χαλδαίων φυγάδων ἐκ Βαβυλῶνοσ οἰκούντων γῆν ἁλμυρίδα καὶ ἐχόντων ἁλίνασ τὰσ οἰκίασ.

ἐπεὶ δὲ λεπίδεσ τῶν ἁλῶν ἀφιστάμεναι κατὰ τὴν ἐπίκαυσιν τὴν ἐκ τῶν ἡλίων συνεχεῖσ ἀποπίπτουσι, καταρραίνοντεσ ὕδασι πυκνὰ τοὺσ τοίχουσ συνέχουσι. διέχει δὲ τῆσ θαλάττησ διακοσίουσ σταδίουσ ἡ πόλισ· πεζέμποροι δ’ εἰσὶν οἱ Γερραῖοι τὸ πλέον τῶν Ἀραβίων φορτίων καὶ ἀρωμάτων. Ἀριστόβουλοσ δὲ τοὐναντίον φησὶ τοὺσ Γερραίουσ τὰ πολλὰ σχεδίαισ εἰσ τὴν Βαβυλωνίαν ἐμπορεύεσθαι, ἐκεῖθεν δὲ τῷ Εὐφράτῃ τὰ φορτία ἀναπλεῖν εἰσ Θάψακον, εἶτα πεζῇ κομίζεσθαι πάντῃ. πλεύσαντι δ’ ἐπὶ πλέον ἄλλαι νῆσοι Τύροσ καὶ Ἄραδοσ εἰσίν, ἱερὰ ἔχουσαι τοῖσ Φοινικικοῖσ ὅμοια·

καὶ φασί γε οἱ ἐν αὐταῖσ οἰκοῦντεσ τὰσ ὁμωνύμουσ τῶν Φοινίκων νήσουσ καὶ πόλεισ ἀποίκουσ ἑαυτῶν. διέχουσι δὲ αἱ νῆσοι αὗται Τερηδόνοσ μὲν δεχήμερον πλοῦν, τῆσ δὲ κατὰ τὸ στόμα ἄκρασ τῆσ ἐν Μάκαισ ἡμερήσιον. ἀπὸ δὲ τῆσ Καρμανίασ εἰρήκασι καὶ Νέαρχοσ καὶ Ὀρθαγόρασ νῆσον Ὤγυριν κεῖσθαι πρὸσ νότον πελαγίαν ἐν δισχιλίοισ σταδίοισ, ἐν ᾗ τάφοσ Ἐρύθρα δείκνυται, χῶμα μέγα ἀγρίοισ φοίνιξι κατάφυτον·

τοῦτον δὲ βασιλεῦσαι τῶν τόπων καὶ ἀπ’ αὐτοῦ τὴν θάλατταν ἐπώνυμον καταλιπεῖν· δηλῶσαι δὲ ταῦτά φησιν αὐτοῖσ Μιθρωπάστην τὸν Ἀρσίτου τοῦ Φρυγίασ σατράπου, φυγόντα μὲν Δαρεῖον, διατρίψαντα δ’ ἐν τῇ νήσῳ, συμμίξαντα δὲ αὐτοῖσ καταχθεῖσιν εἰσ τὸν Περσικὸν κόλπον καὶ ζητοῦντα κάθοδον δι’ αὐτῶν εἰσ τὴν οἰκείαν. Καθ’ ὅλην δὲ τὴν τῆσ Ἐρυθρᾶσ παραλίαν κατὰ βυθοῦ φύεται δένδρα ὅμοια δάφνῃ καὶ ἐλαίᾳ, ταῖσ μὲν ἀμπώτεσιν ὅλα ὑπερφανῆ γινόμενα, ταῖσ δὲ πλημμυρίσιν ἔσθ’ ὅτε ὅλα καλυπτόμενα, καὶ ταῦτα τῆσ ὑπερκειμένησ γῆσ ἀδένδρου οὔσησ, ὥστε ἐπιτείνεσθαι τὸ παράδοξον.

περὶ μὲν οὖν τῆσ κατὰ Πέρσασ θαλάττησ, ἣν ἑῴαν πλευρὰν ἔφαμεν εἶναι τῆσ εὐδαίμονοσ Ἀραβίασ, τοιαῦτα εἴρηκεν Ἐρατοσθένησ. φησὶ δ’ ὁ Νέαρχοσ τὸν Μιθρωπάστην ἐντυχεῖν αὐτοῖσ μετὰ Μαζήνου·

τὸν δὲ Μαζήνην ἐπάρχειν νήσου τινὸσ τῶν ἐν τῷ Περσικῷ κόλπῳ· καλεῖσθαι δὲ τὴν νῆσον Οἄρακτα· εἰσ ταύτην δὲ τὸν Μιθρωπάστην καταφυγόντα ξενίασ τυχεῖν κατὰ τὴν ἐξ Ὠγύριοσ γενομένην ἄφοδον, καὶ δὴ καὶ συνελθεῖν τῷ Μαζήνῃ συσταθησόμενον τοῖσ ἐν τῷ στόλῳ Μακεδόσι, τὸν δὲ Μαζήνην καὶ καθηγεμόνα τοῦ πλοῦ γενέσθαι. λέγει δὲ καὶ ἐν ἀρχῇ τοῦ Περσικοῦ παράπλου νῆσον, ἐν ᾗ μαργαρίτησ πολὺσ καὶ πολυτίμητόσ ἐστιν, ἐν ἄλλαισ δὲ ψῆφοι τῶν διαυγῶν καὶ λαμπρῶν· ἐν δὲ ταῖσ πρὸ τοῦ Εὐφράτου νήσοισ δένδρα φύεσθαι λιβάνου πνέοντα, ὧν τὰσ ῥίζασ κλωμένων ὀπὸν ῥεῖν· παγούρων δὲ καὶ ἐχίνων μεγέθη, ὅπερ κοινὸν ἐν πάσῃ τῇ ἔξω θαλάττῃ· τοὺσ μὲν γὰρ εἶναι μείζουσ καυσίων, τοὺσ δὲ καὶ δικοτύλουσ· ἐποκεῖλαν δὲ κῆτοσ ἰδεῖν πεντήκοντα πηχῶν.

상위

Geography (지리학)

목록

일치하는 문장이 없습니다.

SEARCH

MENU NAVIGATION