호흡부호 보기
강세부호 보기
장단부호 보기
작은 Iota 보기
모든 부호 보기
νέαρχοσ δὲ τὸν παράπλουν τῆσ Σουσίδοσ τεναγώδη φήσασ πέρασ αὐτοῦ λέγει τὸν Εὐφράτην ποταμόν· πρὸσ δὲ τῷ στόματι κώμην οἰκεῖσθαι τὴν ὑποδεχομένην τὰ ἐκ τῆσ Ἀραβίασ φορτία· συνάπτειν γὰρ ἐφεξῆσ τὴν τῶν Ἀράβων παραλίαν τῷ στόματι τοῦ Εὐφράτου καὶ τοῦ Πασιτίγριοσ, τὸ δὲ μεταξὺ πᾶν ἐπέχειν λίμνην τὴν ὑποδεχομένην τὸν Τίγριν. ἀναπλεύσαντι δὲ τῷ Πασιτίγρει σταδίουσ πεντήκοντα καὶ ἑκατὸν τὴν σχεδίαν εἶναι τὴν ἄγουσαν ἐπὶ Σούσων ἐκ τῆσ Περσίδοσ, ἀπέχουσαν Σούσων σταδίουσ ἑξήκοντα· τὸν δὲ Πασίτιγριν ἀπὸ τοῦ Ὀροάτιδοσ διέχειν περὶ δισχιλίουσ σταδίουσ· διὰ δὲ τῆσ λίμνησ ἐπὶ τὸ στόμα τοῦ Τίγριοσ τὸν ἀνάπλουν εἶναι σταδίων ἑξακοσίων· πλησίον δὲ τοῦ στόματοσ κώμην οἰκεῖσθαι τὴν Σουσιανὴν διέχουσαν τῶν Σούσων σταδίουσ πεντακοσίουσ· ἀπὸ δὲ τοῦ στόματοσ τοῦ Εὐφράτου καὶ μέχρι Βαβυλῶνοσ τὸν ἀνάπλουν εἶναι διὰ γῆσ οἰκουμένησ καλῶσ σταδίων πλειόνων ἢ τρισχιλίων. Ὀνησίκριτοσ δὲ πάντασ φησὶν ἐκβάλλειν εἰσ τὴν λίμνην τόν τε Εὐφράτην καὶ τὸν Τίγριν, ἐκπεσόντα δὲ πάλιν τὸν Εὐφράτην ἐκ τῆσ λίμνησ ἰδίῳ στόματι πρὸσ τὴν θάλατταν συνάπτειν.
호흡부호 보기
강세부호 보기
장단부호 보기
작은 Iota 보기
모든 부호 보기