헬라어 문장 검색 - ΣτραβόΓεογραπ́15́02́

(스트라본, 지리학, book 15, chapter 2)

μετὰ δὲ τὴν Ἰνδικήν ἐστιν ἡ Ἀριανή, μερὶσ πρώτη τῆσ ὑπὸ Πέρσαισ τῆσ μετὰ τὸν Ἰνδὸν ποταμὸν καὶ τῶν ἄνω σατραπειῶν τῶν ἐκτὸσ τοῦ Ταύρου, τὰ μὲν νότια καὶ τὰ ἀρκτικὰ μέρη τῇ αὐτῇ θαλάττῃ καὶ τοῖσ αὐτοῖσ ὄρεσιν ἀφοριζομένη οἷσπερ καὶ ἡ Ἰνδική, καὶ τῷ αὐτῷ ποταμῷ τῷ Ἰνδῷ, μέσον ἔχουσα αὐτὸν ἑαυτῆσ τε καὶ τῆσ Ἰνδικῆσ, ἐντεῦθεν δὲ πρὸσ τὴν ἑσπέραν ἐκτεινομένη μέχρι τῆσ ἀπὸ Κασπίων πυλῶν εἰσ Καρμανίαν γραφομένησ γραμμῆσ, ὥστε εἶναι τετράπλευρον τὸ σχῆμα. τὸ μὲν οὖν νότιον πλευρὸν ἀπὸ τῶν ἐκβολῶν ἄρχεται τοῦ Ἰνδοῦ καὶ τῆσ Παταληνῆσ, τελευτᾷ δὲ πρὸσ Καρμανίαν καὶ τοῦ Περσικοῦ κόλπου τὸ στόμα, ἄκραν ἔχον ἐκκειμένην ἱκανῶσ πρὸσ νότον· εἶτα εἰσ τὸν κόλπον λαμβάνει καμπὴν ὡσ ἐπὶ τὴν Περσίδα. οἰκοῦσι δὲ Ἄρβιεσ πρῶτον, ὁμώνυμοι τῷ ποταμῷ Ἄρβει τῷ ὁρίζοντι αὐτοὺσ ἀπὸ τῶν ἑξῆσ Ὠριτῶν, ὅσον χιλίων σταδίων ἔχοντεσ παραλίαν, ὥσ φησι Νέαρχοσ· Ἰνδῶν δ’ ἐστὶ μερὶσ καὶ αὕτη· εἶτ’ Ὠρῖται ἔθνοσ αὐτόνομον· τούτων δ’ ὁ παράπλουσ χιλίων ὀκτακοσίων, ὁ δὲ τῶν ἑξῆσ Ἰχθυοφάγων ἑπτακισχίλιοι τετρακόσιοι, ὁ δὲ τῶν Καρμανίων τρισχίλιοι ἑπτακόσιοι μέχρι Περσίδοσ· ὥσθ’ οἱ σύμπαντεσ μύριοι τρισχίλιοι ἐννακόσιοι. ἁλιτενὴσ δ’ ἐστὶν ἡ τῶν Ἰχθυοφάγων καὶ ἄδενδροσ ἡ πλείστη [πλὴν] φοινίκων καὶ ἀκάνθησ τινὸσ καὶ μυρίκησ·

καὶ ὑδάτων δὲ καὶ τροφῆσ ἡμέρου σπάνισ· τοῖσ δ’ ἰχθύσι χρῶνται καὶ αὐτοὶ καὶ θρέμματα καὶ τοῖσ ὀμβρίοισ ὕδασι καὶ ὀρυκτοῖσ· καὶ τὰ κρέα δὲ τῶν θρεμμάτων ἰχθύων προσβάλλει· οἰκήσεισ δὲ ποιοῦνται τοῖσ ὀστέοισ τῶν κητῶν χρώμενοι καὶ κόγχοισ ὀστρέων τὸ πλέον, δοκοῖσ μὲν ταῖσ πλευραῖσ καὶ ὑπερείσμασι, θυρώμασι δὲ ταῖσ σιαγόσιν· οἱ σπόνδυλοι δ’ αὐτοῖσ εἰσιν ὅλμοι, ἐν οἷσ πτίττουσι τοὺσ ἰχθύασ ἐν ἡλίῳ κατοπτήσαντεσ, εἶτ’ ἀρτοποιοῦνται σίτου μικρὰ καταμίξαντεσ· καὶ γὰρ μύλοι αὐτοῖσ εἰσι, σιδήρου μὴ ὄντοσ. καὶ τοῦτο μὲν ἧττον θαυμαστόν· καὶ γὰρ ἄλλοθεν ἐνέγκασθαι δυνατόν· ἀλλὰ πῶσ ἐπικόπτουσιν ἀποτριβέντα; λίθοισ μέντοι φασίν, οἷσ καὶ τὰ βέλη καὶ τὰ ἀκοντίσματα πεπυρακτωμένα ἀποξύνουσι. τοὺσ δ’ ἰχθύασ τοὺσ μὲν ἐν κλιβάνοισ κατοπτῶσι, τοὺσ δὲ πλείστουσ ὠμοφαγοῦσι· περιβάλλονται δὲ δικτύοισ φλοιοῦ φοινικίνου. ὑπέρκειται δὲ τούτων ἡ Γεδρωσία, τῆσ μὲν Ἰνδικῆσ ἧττον ἔμπυροσ τῆσ δ’ ἄλλησ Ἀσίασ μᾶλλον, καὶ τοῖσ καρποῖσ καὶ τοῖσ ὕδασιν ἐνδεὴσ πλὴν θέρουσ, οὐ πολὺ ἀμείνων τῆσ τῶν Ἰχθυοφάγων·

ἀρωματοφόροσ δὲ νάρδου μάλιστα καὶ σμύρνησ, ὥστε τὴν Ἀλεξάνδρου στρατιὰν ὁδεύουσαν ἀντὶ ὀρόφου καὶ στρωμάτων τούτοισ χρῆσθαι, εὐωδιαζομένην ἅμα καὶ ὑγιεινότερον τὸν ἀέρα ἔχουσαν παρὰ τοῦτο· γενέσθαι δ’ αὐτοῖσ θέρουσ τὴν ἐκ τῆσ Ἰνδικῆσ ἄφοδον ἐπίτηδεσ συνέβη· τότε γὰρ ὄμβρουσ ἔχειν τὴν Γεδρωσίαν καὶ ποὺσ ποταμοὺσ πληροῦσθαι καὶ τὰ ὑδρεῖα, χειμῶνοσ δ’ ἐπιλείπειν· πίπτειν δὲ τοὺσ ὄμβρουσ ἐν τοῖσ ἄνω μέρεσι τοῖσ προσαρκτίοισ καὶ ἐγγὺσ τῶν ὀρῶν· πληρουμένων δὲ τῶν ποταμῶν καὶ τὰ πεδία τὰ πλησιάζοντα τῇ θαλάττῃ ποτίζεσθαι καὶ ὑδρείων εὐπορεῖν. προέπεμψε δ’ εἰσ τὴν ἔρημον μεταλλευτὰσ τῶν ὑδρείων ὁ βασιλεὺσ καὶ τοὺσ ναύσταθμα αὐτῷ καὶ τῷ στόλῳ κατασκευάσοντασ. τριχῇ γὰρ διελὼν τὰσ δυνάμεισ, τῇ μὲν αὐτὸσ ὡρ́μησε διὰ τῆσ Γεδρωσίασ, ἀφιστάμενοσ τῆσ θαλάττησ τὸ πλεῖστον πεντακοσίουσ σταδίουσ, ἵν’ ἅμα καὶ τῷ ναυτικῷ τὴν παραλίαν ἐπιτηδείαν παρασκευάζοι, πολλάκισ δὲ καὶ συνάπτων τῇ θαλάττῃ καίπερ ἀπόρουσ καὶ τραχείασ ἐχούσῃ τὰσ ἀκτάσ·

τὴν δὲ προέπεμψε μετὰ Κρατεροῦ διὰ τῆσ μεσογαίασ, ἅμα χειρουμένου τε τὴν Ἀριανὴν καὶ προϊόντοσ ἐπὶ τοὺσ αὐτοὺσ τόπουσ ἐφ’ οὓσ Ἀλέξανδροσ τὴν πορείαν εἶχε· τὸ δὲ ναυτικὸν Νεάρχῳ καὶ Ὀνησικρίτῳ τῷ ἀρχικυβερνήτῃ παραδοὺσ ἐκέλευσεν οἰκείασ στάσεωσ ἐπιλαμβανομένουσ ἐπακολουθεῖν καὶ ἀντιπαραπλεῖν αὐτοῦ τῇ πορείᾳ. καὶ δὴ καί φησιν ὁ Νέαρχοσ, ἤδη τοῦ βασιλέωσ τελοῦντοσ τὴν ὁδόν, αὐτὸσ μετοπώρου κατὰ πλειάδοσ ἐπιτολὴν ἑσπερίαν ἄρξασθαι τοῦ πλοῦ, μήπω μὲν τῶν πνευμάτων οἰκείων ὄντων, τῶν δὲ βαρβάρων ἐπιχειρούντων αὐτοῖσ καὶ ἐξελαυνόντων·

καταθαρρῆσαι γὰρ ἀπελθόντοσ τοῦ βασιλέωσ καὶ ἐλευθεριάσαι. Κρατερὸσ δ’ ἀπὸ τοῦ Ὑδάσπου ἀρξάμενοσ δι’ Ἀραχωτῶν ᾔει καὶ Δραγγῶν εἰσ Καρμανίαν. πολλὰ δ’ ἐταλαιπώρει ὁ Ἀλέξανδροσ καθ’ ὅλην τὴν ὁδὸν διὰ λυπρᾶσ ἰών· πόρρωθεν δ’ ὁμοίωσ ἐπεχορηγεῖτο μικρὰ καὶ σπάνια ὥστε λιμώττειν τὸ στράτευμα· καὶ τὰ ὑποζύγια ἐπέλιπε, καὶ τὰ σκεύη κατελείπετο ἐν ταῖσ ὁδοῖσ καὶ τοῖσ στρατοπέδοισ· ἀπὸ δὲ τῶν φοινίκων ἦν ἡ σωτηρία τοῦ τε καρποῦ καὶ τοῦ ἐγκεφάλου. φασὶ δὲ φιλονεικῆσαι τὸν Ἀλέξανδρον καίπερ εἰδότα τὰσ ἀπορίασ πρὸσ τὴν κατέχουσαν δόξαν, ὡσ Σεμίραμισ μὲν ἐξ Ἰνδῶν φεύγουσα σωθείη μετὰ ἀνδρῶν ὡσ εἴκοσι, Κῦροσ δὲ ἑπτά, εἰ δύναιτο αὐτὸσ τοσοῦτο στράτευμα διασῶσαι διὰ τῆσ αὐτῆσ χώρασ, νικῶν καὶ ταῦτα. πρὸσ δὲ τῇ ἀπορίᾳ χαλεπὸν ἦν καὶ τὸ καῦμα καὶ τὸ βάθοσ τῆσ ψάμμου καὶ ἡ θερμότησ, ἔστι δ’ ὅπου καὶ θῖνεσ ὑψηλοὶ ὥστε πρὸσ τῷ δυσχερῶσ ἀναφέρειν τὰ σκέλη καθάπερ ἐκ βυθοῦ καὶ ἀναβάσεισ εἶναι καὶ καταβάσεισ·

ἀνάγκη δ’ ἦν καὶ σταθμοὺσ ποιεῖσθαι μακροὺσ διὰ τὰ ὑδρεῖα διακοσίων καὶ τετρακοσίων σταδίων, ἔστι δ’ ὅτε καὶ ἑξακοσίων, νυκτοποροῦντασ τὸ πλέον. πόρρω δὲ τῶν ὑδρείων ἐστρατοπεδεύοντο ἐν τριάκοντα σταδίοισ πολλάκισ τοῦ μὴ ἐμφορεῖσθαι κατὰ δίψοσ· πολλοὶ γὰρ ἐμπίπτοντεσ σὺν ὅπλοισ ἔπινον ὡσ ἂν ὑποβρύχιοι, φυσώμενοι δ’ ἐπέπλεον ἐκπεπνευκότεσ καὶ τὰ ὑδρεῖα βραχέα ὄντα διέφθειρον· οἱ δ’ ἐν τῷ ἡλίῳ κατὰ μέσην τὴν ὁδὸν ἀπηγορευκότεσ ἔκειντο ὑπὸ δίψουσ· ἔπειτα τρομώδεισ μετὰ παλμοῦ χειρῶν καὶ σκελῶν ἔθνησκον παραπλησίωσ ὡσ ἂν [ὑπὸ] ῥίγουσ καὶ φρίκησ ἐχόμενοι. συνέβαινε δέ τισι καὶ ἐκτραπομένοισ τὴν ὁδὸν καταδαρθεῖν κρατουμένοισ ὑπὸ ὕπνου καὶ κόπου, ὑστερήσαντεσ δ’ οἱ μὲν ἀπώλοντο πλάνῃ τῶν ὁδῶν καὶ ὑπὸ ἀπορίασ ἁπάντων καὶ καύματοσ, οἱ δ’ ἐσώθησαν πολλὰ ταλαιπωρήσαντεσ· πολλὰ δὲ κατέκλυσε καὶ τῶν σωμάτων καὶ τῶν χρηστηρίων ἐπιπεσὼν χειμάρρουσ νύκτωρ· καὶ τῆσ βασιλικῆσ δὲ κατασκευῆσ ἐξηλείφθη πολλή· καὶ τῶν καθοδηγῶν δὲ κατ’ ἄγνοιαν πολὺ εἰσ τὴν μεσόγαιαν ἐκτραπομένων ὥστε μηκέτι ὁρᾶν τὴν θάλατταν, συνεὶσ ὁ βασιλεὺσ ἐξαυτῆσ ὡρ́μησε ζητήσων τὴν ᾐόνα, καὶ ἐπειδὴ εὑρ͂ε καὶ ὀρύξασ εἶδεν ὕδωρ πότιμον, μεταπέμπεται τὸ στρατόπεδον, καὶ λοιπὸν μέχρι ἡμερῶν ἑπτὰ πλησίον ᾔει τῆσ ᾐόνοσ εὐπορῶν ὑδρείασ· ἔπειτ’ αὖθισ εἰσ τὴν μεσόγαιαν ἀνεχώρησεν. ἦν δέ τι ὅμοιον τῇ δάφνῃ φυτόν, οὗ τὸ γευσάμενον τῶν ὑποζυγίων ἀπέθνησκε μετὰ ἐπιληψίασ καὶ ἀφροῦ·

ἄκανθα δὲ τοὺσ καρποὺσ ἐπὶ γῆσ κεχυμένη, καθάπερ οἱ σίκυοι, πλήρησ ἦν ὀποῦ· τούτου δὲ ῥανίδεσ εἰσ ὀφθαλμὸν ἐμπεσοῦσαι πᾶν ἀπετύφλουν ζῷον· οἵ τε ὠμοὶ φοίνικεσ ἔπνιγον πολλούσ. ἦν δὲ κίνδυνοσ καὶ ἀπὸ τῶν ὄφεων· ἐν γὰρ τοῖσ θισὶν ἐπεφύκει βοτάνη, ταύτῃ δ’ ὑποδεδυκότεσ ἐλάνθανον τοὺσ δὲ πληγέντασ ἀπέκτεινον. ἐν δὲ τοῖσ Ὠρίταισ τὰ τοξεύματα χρίεσθαι θανασίμοισ φαρμάκοισ ἔφασαν, ξύλινα ὄντα καὶ πεπυρακτωμένα· τρωθέντα δὲ Πτολεμαῖον κινδυνεύειν· ἐν ὕπνῳ δὲ παραστάντα τινὰ τῷ Ἀλεξάνδρῳ δεῖξαι ῥίζαν αὐτόπρεμνον, ἣν κελεῦσαι τρίβοντα ἐπιτιθέναι τῷ τρωθέντι· ἐκ δὲ τοῦ ὕπνου γενόμενον, μεμνημένον τῆσ ὄψεωσ εὑρεῖν ζητοῦντα τὴν ῥίζαν πολλὴν πεφυκυῖαν καὶ χρήσασθαι καὶ αὐτὸν καὶ τοὺσ ἄλλουσ· ἰδόντασ δὲ τοὺσ βαρβάρουσ εὑρημένον τὸ ἀλέξημα ὑπηκόουσ γενέσθαι τῷ βασιλεῖ. εἰκὸσ δέ τινα μηνῦσαι τῶν εἰδότων, τὸ δὲ μυθῶδεσ προσετέθη κολακείασ χάριν. ἐλθὼν δ’ εἰσ τὸ βασίλειον τῶν Γεδρωσίων ἑξηκοσταῖοσ ἀπὸ Ὠρῶν, διαναπαύσασ τὰ πλήθη μικρόν, ἀπῆρεν εἰσ τὴν Καρμανίαν. τὸ μὲν δὴ νότιον τῆσ Ἀριανῆσ πλευρὸν τοιαύτην τινὰ ἔχει τὴν τῆσ παραλίασ διάθεσιν καὶ τῆσ ὑπερκειμένησ πλησίον γῆσ τῆσ τῶν Γεδρωσίων καὶ Ὠριτῶν.

πολλὴ δ’ ἐστὶ καὶ εἰσ τὴν μεσόγαιαν ἀνέχουσα καὶ ἡ Γεδρωσία μέχρι τοῦ συνάψαι Δράγγαισ τε καὶ Ἀραχωτοῖσ καὶ Παροπαμισάδαισ, περὶ ὧν Ἐρατοσθένησ οὕτωσ εἴρηκεν· οὐ γὰρ ἔχομέν τι λέγειν βέλτιον περὶ αὐτῶν. ὁρίζεσθαι μὲν γάρ φησι τὴν Ἀριανὴν ἐκ μὲν τῶν πρὸσ ἑώ τῷ Ἰνδῷ, πρὸσ νότον δὲ τῇ μεγάλῃ θαλάττῃ, πρὸσ ἄρκτον δὲ τῷ Παροπαμισῷ καὶ τοῖσ ἑξῆσ ὄρεσι μέχρι Κασπίων πυλῶν, τὰ δὲ πρὸσ ἑσπέραν τοῖσ αὐτοῖσ ὁρ́οισ οἷσ ἡ μὲν Παρθυηνὴ πρὸσ Μηδίαν ἡ δὲ Καρμανία πρὸσ τὴν Παραιτακηνὴν καὶ Περσίδα διώρισται· πλάτοσ δὲ τῆσ χώρασ τὸ τοῦ Ἰνδοῦ μῆκοσ τὸ ἀπὸ τοῦ Παροπαμισοῦ μέχρι τῶν ἐκβολῶν μύριοι καὶ δισχίλιοι στάδιοι οἱ δὲ τρισχιλίουσ φασί· μῆκοσ δὲ ἀπὸ Κασπίων πυλῶν, ὡσ ἐν τοῖσ Ἀσιατικοῖσ σταθμοῖσ ἀναγέγραπται, διττόν. μέχρι μὲν Ἀλεξανδρείασ τῆσ ἐν Ἀρίοισ ἀπὸ Κασπίων πυλῶν διὰ τῆσ Παρθυαίασ μία καὶ ἡ αὐτὴ ὁδόσ· εἶθ’ ἡ μὲν ἐπ’ εὐθείασ διὰ τῆσ Βακτριανῆσ καὶ τῆσ ὑπερβάσεωσ τοῦ ὄρουσ εἰσ Ὀρτόσπανα ἐπὶ τὴν ἐκ Βάκτρων τρίοδον ἥτισ ἐστὶν ἐν τοῖσ Παροπαμισάδαισ· ἡ δ’ ἐκτρέπεται μικρὸν ἀπὸ τῆσ Ἀρίασ πρὸσ νότον εἰσ Προφθασίαν τῆσ Δραγγιανῆσ· εἶτα πάλιν ἡ λοιπὴ μέχρι τῶν ὁρ́ων τῆσ Ἰνδικῆσ καὶ τοῦ Ἰνδοῦ· ὥστε μακροτέρα ἐστὶν αὕτη ἡ διὰ τῶν Δραγγῶν καὶ Ἀραχωτῶν, σταδίων μυρίων πεντακισχιλίων τριακοσίων ἡ πᾶσα. εἰ δή τισ ἀφέλοι τοὺσ χιλίουσ τριακοσίουσ, ἔχοι ἂν τὸ λοιπὸν τὸ ἐπ’ εὐθείασ μῆκοσ τῆσ χώρασ, μυρίων καὶ τετρακισχιλίων· οὐ πολὺ γὰρ ἔλαττον [τὸ] τῆσ παραλίασ, κἂν παραύξωσί τινεσ αὐτὸ πρὸσ τοῖσ μυρίοισ τὴν Καρμανίαν ἑξακισχιλίων τιθέντεσ· ἢ γὰρ σὺν τοῖσ κόλποισ φανοῦνται τιθέντεσ ἢ σὺν τῇ ἐντὸσ τοῦ Περσικοῦ κόλπου παραλίᾳ τῇ Καρμανικῇ. ἐπεκτείνεται δὲ τοὔνομα τῆσ Ἀριανῆσ μέχρι μέρουσ τινὸσ καὶ Περσῶν καὶ Μήδων καὶ ἔτι τῶν πρὸσ ἄρκτον Βακτρίων καὶ Σογδιανῶν· εἰσὶ γάρ πωσ καὶ ὁμόγλωττοι παρὰ μικρόν. ἡ δὲ τάξισ τῶν ἐθνῶν τοιαύτη·

παρὰ μὲν τὸν Ἰνδὸν οἱ Παροπαμισάδαι, ὧν ὑπέρκειται ὁ Παροπαμισὸσ ὄροσ, εἶτ’ Ἀραχωτοὶ πρὸσ νότον, εἶτ’ ἐφεξῆσ πρὸσ νότον Γεδρωσηνοὶ σὺν τοῖσ ἄλλοισ τοῖσ τὴν παραλίαν ἔχουσιν· ἅπασι δὲ παρὰ τὰ πλάτη τῶν χωρίων παράκειται ὁ Ἰνδόσ. τούτων δ’ ἐκ μέρουσ τῶν παρὰ τὸν Ἰνδὸν ἔχουσί τινα Ἰνδοὶ πρότερον ὄντα Περσῶν, ἃ ἀφείλετο μὲν ὁ Ἀλέξανδροσ τῶν Ἀριανῶν καὶ κατοικίασ ἰδίασ συνεστήσατο, ἔδωκε δὲ Σέλευκοσ ὁ Νικάτωρ Σανδροκόττῳ, συνθέμενοσ ἐπιγαμίαν καὶ ἀντιλαβὼν ἐλέφαντασ πεντακοσίουσ. τοῖσ Παροπαμισάδαισ δὲ παράκεινται πρὸσ τὴν ἑσπέραν Ἄριοι, τοῖσ δὲ Ἀραχωτοῖσ Δράγγαι καὶ τοῖσ Γεδρωσίοισ· οἱ δ’ Ἄριοι τοῖσ Δράγγαισ ἅμα καὶ πρὸσ ἄρκτον παράκεινται καὶ πρὸσ ἑσπέραν, ἐγκυκλούμενοι μικρά πωσ· ἡ δὲ Βακτριανὴ τῇ τε Ἀρίᾳ πρὸσ ἄρκτον παράκειται καὶ τοῖσ Παροπαμισάδαισ, δι’ ὧνπερ Ἀλέξανδροσ ὑπερέβαλε τὸν Καύκασον ἐλαύνων τὴν ἐπὶ Βάκτρων· πρὸσ ἑσπέραν δὲ ἐφεξῆσ εἰσι τοῖσ Ἀρίοισ Παρθυαῖοι καὶ τὰ περὶ τὰσ Κασπίουσ πύλασ· πρὸσ νότον δὲ τούτοισ ἡ ἔρημοσ τῆσ Καρμανίασ, εἶθ’ ἡ λοιπὴ Καρμανία καὶ Γεδρωσία. γνοίη δ’ ἄν τισ τὰ περὶ τὴν λεχθεῖσαν ὀρεινὴν ἔτι μᾶλλον προσιστορήσασ τὴν ὁδὸν ᾗ ἐχρήσατο διώκων τοὺσ περὶ Βησσὸν ὡσ ἐπὶ Βάκτρων Ἀλέξανδροσ ἐκ τῆσ Παρθυηνῆσ·

εἰσ γὰρ τὴν Ἀρίαν ἧκεν, εἶτ’ εἰσ Δράγγασ, ὅπου Φιλώταν ἀνεῖλε τὸν Παρμενίωνοσ υἱὸν φωράσασ ἐπιβουλήν· ἔπεμψε δὲ καὶ εἰσ Ἐκβάτανα τοὺσ καὶ τὸν πατέρα αὐτοῦ ἀνελοῦντασ ὡσ κοινωνὸν τῆσ ἐπιβουλῆσ· φασὶ δ’ αὐτοὺσ ἐπὶ δρομάδων καμήλων ὁδὸν ἡμερῶν τριάκοντα ἢ καὶ τετταράκοντα ἑνδεκαταίουσ διανύσαι καὶ τελευτῆσαι τὴν πρᾶξιν. οἱ δὲ Δράγγαι περσίζοντεσ τἆλλα κατὰ τὸν βίον οἴνου σπανίζουσι, γίνεται δὲ παρ’ αὐτοῖσ καττίτεροσ. εἶτ’ ἐκ Δραγγῶν ἐπί τε τοὺσ Εὐεργέτασ ἧκεν, οὓσ ὁ Κῦροσ οὕτωσ ὠνόμασε, καὶ τοὺσ Ἀραχωτούσ, εἶτα διὰ τῶν Παροπαμισαδῶν ὑπὸ πλειάδοσ δύσιν· ἔστι δ’ ὀρεινὴ καὶ κεχιονοβόλητο τότε ὥστε χαλεπῶσ ὡδεύετο· πυκναὶ μέντοι κῶμαι δεχόμεναι πάντων εὔποροι πλὴν ἐλαίου παρεμυθοῦντο τὰσ δυσκολίασ· εἶχόν τε ἐν ἀριστερᾷ τὰσ ἀκρωρείασ. ἔστι δὲ τὰ μεσημβρινὰ μὲν τοῦ ὄρουσ τοῦ Παροπαμισοῦ Ἰνδικά τε καὶ Ἀριανά· τὰ δὲ προσάρκτια τὰ μὲν πρὸσ ἑσπέραν Βάκτρια . . . τοῖσ Βακτρίοισ βαρβάρων. διαχειμάσασ δ’ αὐτόθι ὑπερδέξιον ἔχων τὴν Ἰνδικὴν καὶ πόλιν κτίσασ ὑπερήκρισεν εἰσ τὴν Βακτριανὴν διὰ ψιλῶν ὁδῶν πλὴν τερμίνθου θαμνώδουσ ὀλίγησ, ἀπορούμενοσ καὶ τροφῆσ ὥστε ταῖσ τῶν κτηνῶν σαρξὶ χρῆσθαι, καὶ ταύταισ ὠμαῖσ διὰ τὴν ἀξυλίαν· πρὸσ δὲ τὴν ὠμοσιτίαν πεπτικὸν ἦν αὐτοῖσ τὸ σίλφιον πολὺ πεφυκόσ. πεντεκαιδεκαταῖοσ δὲ ἀπὸ τῆσ κτισθείσησ πόλεωσ καὶ τῶν χειμαδίων ἧκεν εἰσ Ἄδραψα, πόλιν τῆσ Βακτριανῆσ. περὶ ταῦτα δέ που τὰ μέρη τῆσ ὁμόρου τῇ Ἰνδικῇ καὶ τὴν Χααρηνὴν εἶναι συμβαίνει·

ἔστι δὲ τῶν ὑπὸ τοῖσ Παρθυαίοισ αὕτη προσεχεστάτη τῇ Ἰνδικῇ· διέχει δὲ τῆσ Ἀριανῆσ δι’ Ἀραχωτῶν καὶ τῆσ λεχθείσησ ὀρεινῆσ σταδίουσ μυρίουσ ἐνακισχιλίουσ. ταύτην δὲ τὴν χώραν διεξιὼν Κρατερὸσ καταστρεφόμενοσ ἅμα τοὺσ ἀπειθοῦντασ ᾔει συμμῖξαι τὴν ταχίστην σπεύδων τῷ βασιλεῖ· καὶ δὴ περὶ τοὺσ αὐτοὺσ χρόνουσ σχεδόν τι συνέδραμον εἰσ τὴν Καρμανίαν αἱ πεζαὶ δυνάμεισ ἀμφότεραι· καὶ μικρὸν ὕστερον οἱ περὶ Νέαρχον εἰσέπλεον εἰσ τὸν Περσικὸν κόλπον, πολλὰ ταλαιπωρήσαντεσ διὰ τὴν ἄλην καὶ τὴν ταλαιπωρίαν καὶ τὰ μεγέθη τῶν κητῶν. εἰκὸσ μὲν οὖν πρὸσ ὑπερβολὴν ἠδολεσχηκέναι πολλὰ τοὺσ πλεύσαντασ, ὅμωσ δ’ οὖν εἰρήκασι παραδηλοῦντεσ ἅμα καὶ τὸ παραστὰν αὐτοῖσ πάθοσ, διότι προσδοκία μᾶλλον ἢ κίνδυνοσ ὑπῆρχε τοῖσ ἀληθέσι.

τὸ δὲ μάλιστα ταράττον φυσητήρων μεγέθη ῥοῦν ἀπεργαζομένων μέγαν ἀθρόον καὶ ἀχλὺν ἐκ τῶν ἀναφυσημάτων, ὥστε τὰ πρὸ ποδῶν μέρη μὴ ὁρᾶσθαι· ἐπεὶ δ’ οἱ καθηγεμόνεσ τοῦ πλοῦ, δεδιότων ταῦτα τῶν ἀνθρώπων τὴν δ’ αἰτίαν οὐχ ὁρώντων, ἐμήνυσαν ὅτι θηρία εἰή, τάχα δ’ ἀπαλλάττοιτο σάλπιγγοσ ἀκούσαντα καὶ κρότου, ἐκ τούτου Νέαρχοσ ταῖσ ναυσὶν ἐπῆγε μὲν τὸ ῥόθιον καθ’ ἅπερ ἐκώλυον, καὶ ἅμα ταῖσ σάλπιγξιν ἐφόβει, τὰ δὲ θηρία ἔδυνεν· εἶτ’ ἀνεφαίνετο κατὰ πρύμναν ὥστε ναυμαχίασ ἀγωνίαν παρεῖχεν, ἀλλ’ αὐτίκα ἀφίστατο. λέγουσι μὲν οὖν καὶ οἱ νῦν πλέοντεσ εἰσ Ἰνδοὺσ μεγέθη θηρίων καὶ ἐπιφανείασ, ἀλλ’ οὔτε ἀθρόων οὔτ’ ἐπιφερομένων πολλάκισ, ἀλλ’ ἀποσοβηθέντα τῇ κραυγῇ καὶ τῇ σάλπιγγι ἀπαλλάττεσθαι.

φασὶ δ’ αὐτὰ μὲν μὴ πλησιάζειν τῇ γῇ, τὰ δ’ ὀστᾶ διαλυθέντων ψιλωθέντα ἐκκυμαίνεσθαι ῥᾳδίωσ καὶ χορηγεῖν τὴν λεχθεῖσαν ὕλην τοῖσ Ἰχθυοφάγοισ περὶ τὰσ καλυβοποιίασ. μέγεθοσ δὲ τῶν κητῶν φησιν ὁ Νέαρχοσ τριῶν καὶ εἴκοσιν ὀργυιῶν. πιστευθέν τι δὲ ἱκανῶσ ὑπὸ τῶν ἐν τῷ στόλῳ φησὶν ὁ Νέαρχοσ ἐξελέγξαι ψεῦδοσ ὄν, ὡσ εἰή τισ ἐν τῷ πόρῳ νῆσοσ ἡ ἀφανίζοι τοὺσ προσορμισθέντασ· κέρκουρον γάρ τινα πλέοντα, ἐπειδὴ κατὰ τὴν νῆσον ταύτην ἐγεγόνει, μηκέτι ὁραθῆναι· πεμφθέντασ δέ τινασ ἐπὶ τὴν ζήτησιν ἐκβῆναι μὲν μὴ θαρρεῖν εἰσ τὴν νῆσον, ἐκπλέοντασ δ’ ἀνακαλεῖν κραυγῇ τοὺσ ἀνθρώπουσ, μηδενὸσ δ’ ὑπακούοντοσ ἐπανελθεῖν. ἁπάντων δ’ αἰτιωμένων τὴν νῆσον αὐτὸσ ἔφη πλεῦσαι καὶ προσορμισθεὶσ ἐκβῆναι μετὰ μέρουσ τῶν συμπλευσάντων καὶ περιελθεῖν τὴν νῆσον· ὡσ δ’ οὐδὲν εὑρ́ισκεν ἴχνοσ τῶν ζητουμένων, ἀπογνόντα ἐπανελθεῖν καὶ διδάξαι τοὺσ ἀνθρώπουσ ὡσ ἡ μὲν νῆσοσ ψευδῆ τὴν αἰτίαν ἔχοι καὶ γὰρ αὐτῷ καὶ τοῖσ συνεκβᾶσιν ὁ αὐτὸσ ὑπάρξαι [ἂν] φθόροσ, ἄλλοσ δέ τισ τῷ κερκούρῳ τρόποσ τοῦ ἀφανισμοῦ συμβαίη, μυρίων ὄντων δυνατῶν. ἡ δὲ Καρμανία τελευταία μέν ἐστι τῆσ ἀπὸ τοῦ Ἰνδοῦ παραλίασ, ἀρκτικωτέρα δ’ ἐστὶ πολὺ τῆσ τοῦ Ἰνδοῦ ἐκβολῆσ·

τὸ μέντοι πρῶτον αὐτῆσ ἄκρον ἔκκειται πρὸσ νότον εἰσ τὴν μεγάλην θάλατταν, ποιήσασα δὲ τὸ στόμα τοῦ Περσικοῦ κόλπου πρὸσ τὴν ἀπὸ τῆσ εὐδαίμονοσ Ἀραβίασ ἄκραν ἐν ἀπόψει οὖσαν, κάμπτεται πρὸσ τὸν Περσικὸν κόλπον ἑώσ ἂν συνάψῃ τῇ Περσίδι· πολλὴ δὲ κἀν τῇ μεσογαίᾳ ἐστὶν ἐκτεινομένη μεταξὺ τῆσ Γεδρωσίασ καὶ τῆσ Περσίδοσ, παραλλάττουσα πλέον τῆσ Γεδρωσίασ πρὸσ τὴν ἄρκτον. δηλοῖ δ’ ἡ εὐκαρπία· καὶ γὰρ πάμφοροσ καὶ μεγαλόδενδροσ πλὴν ἐλαίασ καὶ ποταμοῖσ κατάρρυτοσ. ἡ δὲ Γεδρωσία διαφέρει μικρὸν τῆσ τῶν Ἰχθυοφάγων, ὥστ’ ἀκαρπία κατέχει πολλάκισ· διὸ φυλάττουσι τὸν ἐνιαύσιον καρπὸν εἰσ ἔτη πλείω ταμιευόμενοι. Ὀνησίκριτοσ δὲ λέγει ποταμὸν ἐν τῇ Καρμανίᾳ καταφέροντα ψήγματα χρυσοῦ· καὶ ὀρυκτοῦ δὲ εἶναι μέταλλον καὶ ἀργύρου καὶ χαλκοῦ καὶ μίλτου· ὄρη τε εἶναι δύο τὸ μὲν ἀρσενικοῦ τὸ δὲ ἁλόσ. ἔχει δέ τινα καὶ ἔρημον συνάπτουσαν ἤδη τῇ Παρθυαίᾳ καὶ τῇ Παραιτακηνῇ. γεώργια δ’ ἔχει παραπλήσια τοῖσ Περσικοῖσ τά τε ἄλλα καὶ ἄμπελον· ταύτησ δ’ ἡ Καρμανία λεγομένη παρ’ ἡμῖν καὶ δίπηχυν ἔχει πολλάκισ τὸν βότρυν πυκνορρῶγά τε ὄντα καὶ μεγαλορρῶγα, ἣν εἰκὸσ ἐκεῖ εὐερνεστέραν εἶναι. χρῶνται δ’ ὄνοισ οἱ πολλοὶ καὶ πρὸσ πόλεμον σπάνει τῶν ἵππων· ὄνον τε θύουσι τῷ Ἄρει, ὅνπερ σέβονται θεῶν μόνον, καὶ εἰσὶ πολεμισταί· γαμεῖ δ’ οὐδεὶσ πρὶν ἂν πολεμίου κεφαλὴν ἀποτεμὼν ἀνενέγκῃ ἐπὶ τὸν βασιλέα· ὁ δὲ τὸ κρανίον μὲν ἐπὶ τῶν βασιλείων ἀνατίθησι, τὴν δὲ γλῶτταν λεπτοτομήσασ [καὶ] καταμίξασ ἀλεύρῳ γευσάμενοσ αὐτὸσ δίδωσι τῷ ἀνενέγκαντι καὶ τοῖσ οἰκείοισ κατασιτήσασθαι· ἐνδοξότατοσ δ’ ἐστὶν ᾧ πλεῖσται κεφαλαὶ ἀνηνέχθησαν. Νέαρχοσ δὲ τὰ πλεῖστα ἔθη καὶ τὴν διάλεκτον τῶν Καρμανιτῶν Περσικά τε καὶ Μηδικὰ εἴρηκε. τὸ δὲ στόμα τοῦ Περσικοῦ κόλπου [οὐ] μεῖζον διάρματοσ ἡμερησίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 15, chapter 2

(스트라본, 지리학, book 15, chapter 2)

상위

목록

SEARCH

MENU NAVIGATION