헬라어 문장 검색 - ΣτραβόΓεογραπ́08́05́010́

(스트라본, 지리학, Book 8, chapter 5 10:)

περὶ δὲ τῆσ Λακώνων πολιτείασ καὶ τῶν γενομένων παρ’ αὐτοῖσ μεταβολῶν τὰ μὲν πολλὰ παρείη τισ ἂν διὰ τὸ γνώριμον, τινῶν δ’ ἄξιον ἴσωσ μνησθῆναι. Ἀχαιοὺσ γὰρ τοὺσ Φθιώτασ φασὶ συγκατελθόντασ Πέλοπι εἰσ τὴν Πελοπόννησον οἰκῆσαι τὴν Λακωνικήν, τοσοῦτον δ’ ἀρετῇ διενεγκεῖν ὥστε τὴν Πελοπόννησον, ἐκ πολλῶν ἤδη χρόνων Ἄργοσ λεγομένην, τότε Ἀχαϊκὸν Ἄργοσ λεχθῆναι, καὶ οὐ μόνον γε τὴν Πελοπόννησον ἀλλὰ καὶ ἰδίωσ τὴν Λακωνικὴν οὕτω προσαγορευθῆναι· τὸ γοῦν τοῦ ποιητοῦ ποῦ Μενέλαοσ ἐήν; ἢ οὐκ Ἄργεοσ ἠε͂ν Ἀχαιικοῦ; δέχονταί τινεσ οὕτωσ "ἢ οὐκ ἦν ἐν τῇ Λακωνικῇ; κατὰ δὲ τὴν τῶν Ἡρακλειδῶν κάθοδον Φιλονόμου προδόντοσ τὴν χώραν τοῖσ Δωριεῦσι μετανέστησαν ἐκ τῆσ Λακωνικῆσ εἰσ τὴν τῶν Ιὤνων τὴν καὶ νῦν Ἀχαί̈αν καλουμένην· ἐροῦμεν δὲ περὶ αὐτῶν ἐν τοῖσ Ἀχαϊκοῖσ. οἱ δὲ κατασχόντεσ τὴν Λακωνικὴν κατ’ ἀρχὰσ μὲν ἐσωφρόνουν, ἐπεὶ δ’ οὖν Λυκούργῳ τὴν πολιτείαν ἐπέτρεψαν, τοσοῦτον ὑπερεβάλοντο τοὺσ ἄλλουσ ὥστε μόνοι τῶν Ἑλλήνων καὶ γῆσ καὶ θαλάττησ ἐπῆρξαν, διετέλεσάν τε ἄρχοντεσ τῶν Ἑλλήνων ἑώσ ἀφείλοντο αὐτοὺσ τὴν ἡγεμονίαν Θηβαῖοι καὶ μετ’ ἐκείνουσ εὐθὺσ Μακεδόνεσ. οὐ μὴν τελέωσ γε οὐδὲ τούτοισ εἶξαν, ἀλλὰ φυλάττοντεσ τὴν αὐτονομίαν ἔριν εἶχον περὶ πρωτείων ἀεὶ πρόσ τε τοὺσ ἄλλουσ Ἕλληνασ καὶ πρὸσ τοὺσ τῶν Μακεδόνων βασιλέασ· καταλυθέντων δὲ τούτων ὑπὸ Ῥωμαίων, μικρὰ μέν τινα προσέκρουσαν τοῖσ πεμπομένοισ ὑπὸ Ῥωμαίων στρατηγοῖσ τυραννούμενοι τότε καὶ πολιτευόμενοι μοχθηρῶσ· ἀναλαβόντεσ δὲ σφᾶσ ἐτιμήθησαν διαφερόντωσ καὶ ἔμειναν ἐλεύθεροι, πλὴν τῶν φιλικῶν λειτουργιῶν ἄλλο συντελοῦντεσ οὐδέν. νεωστὶ δ’ Εὐρυκλῆσ αὐτοὺσ ἐτάραξε δόξασ ἀποχρήσασθαι τῇ Καίσαροσ φιλίᾳ πέρα τοῦ μετρίου πρὸσ τὴν ἐπιστασίαν αὐτῶν, ἐπαύσατο δ’ ἡ ἀρχὴ ταχέωσ, ἐκείνου μὲν παραχωρήσαντοσ εἰσ τὸ χρεών, τοῦ δ’ υἱοῦ τὴν φιλίαν ἀπεστραμμένου τὴν τοιαύτην πᾶσαν· συνέβη δὲ καὶ τοὺσ Ἐλευθερολάκωνασ λαβεῖν τινα τάξιν πολιτείασ, ἐπειδὴ Ῥωμαίοισ προσέθεντο πρῶτοι οἱ περίοικοι τυραννουμένησ τῆσ Σπάρτησ, οἵ τε ἄλλοι καὶ οἱ Εἵλωτεσ. Ἑλλάνικοσ μὲν οὖν Εὐρυσθένη καὶ Προκλέα φησὶ διατάξαι τὴν πολιτείαν, Ἔφοροσ δ’ ἐπιτιμᾷ φήσασ Λυκούργου μὲν αὐτὸν μηδαμοῦ μεμνῆσθαι, τὰ δ’ ἐκείνου ἔργα τοῖσ μὴ προσήκουσιν ἀνατιθέναι· μόνῳ γοῦν Λυκούργῳ ἱερὸν ἱδρῦσθαι καὶ θύεσθαι κατ’ ἔτοσ, ἐκείνοισ δὲ καίπερ οἰκισταῖσ γενομένοισ μηδὲ τοῦτο δεδόσθαι ὥστε τοὺσ ἀπ’ αὐτῶν τοὺσ μὲν Εὐρυσθενίδασ τοὺσ δὲ Προκλείδασ καλεῖσθαι, ἀλλὰ τοὺσ μὲν Ἀγίδασ ἀπὸ Ἄγιδοσ τοῦ Εὐρυσθένουσ τοὺσ δ’ Εὐρυπωντίδασ ἀπὸ Εὐρυπῶντοσ τοῦ Προκλέουσ· τοὺσ μὲν γὰρ δυναστεῦσαι δικαίωσ, τοὺσ δὲ δεξαμένουσ ἐπήλυδασ ἀνθρώπουσ, δι’ ἐκείνων δυναστεῦσαι· ὅθεν οὐδ’ ἀρχηγέτασ νομισθῆναι ὅπερ πᾶσιν ἀποδέδοται οἰκισταῖσ. Παυσανίαν τε τῶν Εὐρυπωντιδῶν ἐκπεσόντα . . . τῆσ οἰκείασ ἐν τῇ φυγῇ συντάξαι λόγον κατὰ τοῦ Λυκούργου, νόμων ὄντοσ τῆσ ἐκβαλούσησ αὐτὸν αἰτίου, καὶ τοὺσ χρησμοὺσ λέγειν τοὺσ δοθέντασ αὐτῷ περὶ τῶν πλείστων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 5 10:

(스트라본, 지리학, Book 8, chapter 5 10:)

상위

목록

SEARCH

MENU NAVIGATION