헬라어 문장 검색 - Πλυταρ́Δελιβερ́11́

(플루타르코스, De liberis educandis, section 11)

οὐ τοίνυν ἄξιον οὐδὲ τὴν τῶν σωμάτων ἀγωνίαν παρορᾶν, ἀλλὰ πέμποντασ ἐσ παιδοτρίβου τοὺσ παῖδασ ἱκανῶσ ταῦτα διαπονεῖν, ἅμα μὲν τῆσ τῶν σωμάτων εὐρυθμίασ ἕνεκεν, ἅμα δὲ καὶ πρὸσ ῥώμην· καλοῦ γὰρ γήρωσ θεμέλιοσ ἐν παισὶν ἡ τῶν σωμάτων εὐεξία. καθάπερ οὖν ἐν εὐδίᾳ τὰ πρὸσ τὸν χειμῶνα προσῆκε παρασκευάζειν, οὕτωσ ἐν νεότητι τὴν εὐταξίαν καὶ τὴν σωφροσύνην ἐφόδιον εἰσ τὸ γῆρασ ἀποτίθεσθαι. τοῦ σώματοσ πόνον, ὡσ μὴ καταξήρουσ γινομένουσ πρὸσ τὴν τῆσ παιδείασ ἐπιμέλειαν ἀπαγορεύειν κατὰ γὰρ Πλάτωνα ὕπνοι καὶ κόποι μαθήμασι πολέμιοι.

καὶ τί ταῦτα;

ἀλλ’ ὅπερ πάντων ἐστὶ κυριώτατον τῶν εἰρημένων σπεύδω λέγειν. πρὸσ γὰρ τοὺσ στρατιωτικοὺσ ἀγῶνασ τοὺσ παῖδασ ἀσκητέον ἐν ἀκοντισμοῖσ αὐτοὺσ καταθλοῦντασ καὶ τοξείαισ καὶ θήραισ. πόλεμοσ δ’ ἐσκιατραφημένην σωμάτων ἕξιν οὐ δέχεται, ἰσχνὸσ δὲ στρατιώτησ πολεμικῶν ἀγώνων ἐθὰσ ἀθλητῶν καὶ πολεμίων φάλαγγασ διωθεῖ.

τί οὖν ἄν τισ εἴποι; σὺ δὲ δὴ περὶ τῆσ ἐλευθέρων ἀγωγῆσ ὑποσχόμενοσ παραγγέλματα δώσειν ἔπειτα φαίνῃ τῆσ μὲν τῶν πενήτων καὶ δημοτικῶν παραμελῶν ἀγωγῆσ, μόνοισ δὲ τοῖσ πλουσίοισ ὁμονοεῖσ τὰσ ὑποθήκασ διδόναι.

πρὸσ οὓσ οὐ χαλεπὸν ἀπαντῆσαι. ἐγὼ γὰρ μάλιστ’ ἂν βουλοίμην πᾶσι κοινῇ χρήσιμον εἶναι τὴν ἀγωγήν·

εἰ δέ τινεσ ἐνδεῶσ τοῖσ ἰδίοισ πράττοντεσ ἀδυνατήσουσι τοῖσ ἐμοῖσ χρῆσθαι παραγγέλμασι , τὴν τύχην αἰτιάσθωσαν, οὐ τὸν ταῦτα συμβουλεύοντα. πειρατέον μὲν οὖν εἰσ δύναμιν τὴν κρατίστην ἀγωγὴν ποιεῖσθαι τῶν παίδων καὶ τοῖσ πένησιν· εἰ δὲ μὴ , τῇ γε δυνατῇ χρηστέον.

καὶ ταῦτα μὲν δὴ τῷ λόγῳ παρεφορτισάμην, ἵν’ ἐφεξῆσ καὶ τἄλλα τὰ φέροντα πρὸσ τὴν ὀρθὴν τῶν νέων ἀγωγὴν συνάψω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De liberis educandis, section 11

(플루타르코스, De liberis educandis, section 11)

상위

목록

SEARCH

MENU NAVIGATION