헬라어 문장 검색 - Πλυταρ́Δεγενιό32́

(플루타르코스, De genio Socratis, section 32)

ἐπράχθη δὲ κἀκεῖνα τοῦτον τὸν τρόπον· ἔκοψαν οἱ περὶ Πελοπίδαν τοῦ Λεοντίδου τὴν αὔλειον ἡσυχῆ προσελθόντεσ, καὶ πρὸσ τὸν ὑπακούσαντα τῶν οἰκετῶν ἔφασαν ἥκειν Ἀθήνηθεν γράμματα τῷ Λεοντίδῃ παρὰ Καλλιστράτου κομίζοντεσ. ὡσ δ’ ἀπαγγείλασ καὶ κελευσθεὶσ ἀνοῖξαι τὸν μοχλὸν ἀφεῖλε καὶ μικρὸν ἐνέδωκε τὴν θύραν, ἐμπεσόντεσ ἀθρόοι καὶ ἀνατρέψαντεσ τὸν ἄνθρωπον ἱέντο δρόμῳ διὰ τῆσ αὐλῆσ ἐπὶ τὸν θάλαμον.

ὁ δ’ εὐθὺσ ἐπὶ τὴν ἀλήθειαν ἐξενεχθεὶσ τῇ ὑπονοίᾳ καὶ σπασάμενοσ τὸ ἐγχειρίδιον ὡρ́μησε πρὸσ ἄμυναν, ἄδικοσ μὲν ἀνὴρ καὶ τυραννικὸσ εὔρωστοσ δὲ τῇ ψυχῇ καὶ κατὰ χεῖρα ῥωμαλέοσ·

οὐ μὴν ἔγνω γε τὸν λύχνον καταβαλεῖν καὶ διὰ σκότουσ συμμῖξαι τοῖσ ἐπιφερομένοισ, ἀλλ’ ἐν φωτὶ καθορώμενοσ ὑπὸ τούτων ἅμα τῆσ θύρασ ἀνοιγομένησ παίει τὸν Κηφισόδωρον εἰσ τὸν λαγόνα·

καὶ δευτέρῳ τῷ Πελοπίδᾳ συμπεσὼν μέγα βοῶν ἀνεκαλεῖτο τοὺσ θεράποντασ.

τῶν πολιτῶν καὶ κατ’ ἀλκὴν διαφέρουσιν.

ἀγὼν δ’ ἦν τῷ Πελοπίδᾳ πρὸσ τὸν Λεοντίδην καὶ διαξιφισμὸσ ἐν ταῖσ θύραισ τοῦ θαλάμου στεναῖσ οὔσαισ, καὶ τοῦ Κηφισοδώρου πεπτωκότοσ ἐν μέσαισ αὐταῖσ καὶ θνήσκοντοσ, ὥστε μὴ δύνασθαι τοὺσ ἄλλουσ προσβοηθεῖν.

τέλοσ δ’ ὁ ἡμέτεροσ λαβὼν μὲν εἰσ τὴν κεφαλὴν οὐ μέγα τραῦμα· δοὺσ δὲ πολλὰ καὶ καταβαλὼν τὸν Λεοντίδην, ἐπέσφαξε θερμῷ τῷ Κηφισοδώρῳ.

καὶ γὰρ εἶδε πίπτοντα τὸν ἐχθρὸν ὁ ἀνὴρ καὶ τῷ Πελοπίδᾳ τὴν δεξιὰν ἐνέβαλε· καὶ τοὺσ ἄλλουσ ἀσπασάμενοσ ἅμ’ ἵλεωσ ἐξέπνευσε. γενόμενοι δ’ ἀπὸ τούτων ἐπὶ τὸν Ὑπάτην τρέπονται, καὶ τῶν θυρῶν ὁμοίωσ αὐτοῖσ ἀνοιχθεισῶν φεύγοντα τὸν Ὑπάτην ὑπὲρ τέγουσ τινὸσ εἰσ τοὺσ γείτονασ ἀποσφάττουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De genio Socratis, section 32

(플루타르코스, De genio Socratis, section 32)

상위

목록

SEARCH

MENU NAVIGATION