헬라어 문장 검색 - Πλυταρ́Δεγαρρύ22́

(플루타르코스, De garrulitate, section 22)

καὶ μὴν ὥσπερ ὁ Σωκράτησ ἐκέλευε φυλάττεσθαι τῶν σιτίων ὅσα μὴ πεινῶντασ ἐσθίειν ἀναπείθει καὶ τῶν πομάτων ὅσα πίνειν μὴ διψῶντασ, οὕτω χρὴ καὶ τῶν λόγων τὸν ἀδολέσχην, οἷσ ἥδεται μάλιστα καὶ κέχρηται κατακόρωσ, τούτουσ φοβεῖσθαι καὶ πρὸσ τούτουσ ἐπιρρέοντασ ἀντιβαίνειν. οἱο͂ν οἱ στρατιωτικοὶ πολέμων εἰσὶ διηγηματικοί· καὶ τὸν Νέστορα τοιοῦτον ὁ ποιητὴσ εἰσάγει, τὰσ αὑτοῦ πολλάκισ ἀριστείασ καὶ πράξεισ διηγούμενον. ἐπιεικῶσ δὲ καὶ τοῖσ περὶ δίκασ εὐστοχήσασιν ἢ παρ’ ἡγεμόσι καὶ βασιλεῦσιν ἀπροσδοκήτωσ εὐημερήσασιν ὥσπερ νόσημά τι προσπίπτει καὶ παρακολουθεῖ τὸ μεμνῆσθαι καὶ διηγεῖσθαι πολλάκισ, ὃν τρόπον εἰσῆλθον προσήχθησαν ἠγωνίσαντο διελέχθησαν, ἐξήλεγξαν ἀντιδίκουσ τινὰσ ἢ κατηγόρουσ, ἐπῃνέθησαν. πολλῷ γάρ ἐστιν ἡ χαρὰ τῆσ κωμικῆσ ἐκείνησ ἀγρυπνίασ λαλίστερον, ἀναρριπίζουσα πολλάκισ ἑαυτὴν καὶ πρόσφατον ποιοῦσα τοῖσ διηγήμασιν.

ὅθεν ὀλισθηροὶ πρὸσ τοὺσ τοιούτουσ τῶν λόγων εἰσὶν ἐκ πάσησ προφάσεωσ οὐ γὰρ μόνον ὅπου τισ ἀλγεῖ, κεῖθι καὶ τὴν χεῖρ’ ἔχει, ἀλλὰ καὶ τὸ ἡδόμενον ἕλκει τὴν φωνὴν ἐφ’ ἑαυτὸ καὶ περιάγει τὴν γλῶτταν ἐπερείδειν ἀεὶ τῇ μνήμῃ βουλόμενον. οὕτω καὶ τοῖσ ἐρωτικοῖσ ἡ πλείστη διατριβὴ περὶ λόγουσ μνήμην τινὰ τῶν ἐρωμένων ἀναδιδόντασ· οἵ γε κἂν μὴ πρὸσ ἀνθρώπουσ, πρὸσ ἀψυχα περὶ αὐτῶν διαλέγονται·

ὦ φιλτάτη κλίνη καὶ Βακχὶσ θεὸν σ’ ἐνόμισεν, εὔδαιμον λύχνε· καὶ τῶν θεῶν μέγιστοσ, εἰ ταύτῃ δοκεῖσ. ἔστι μὲν οὖν ἀτεχνῶσ ἡ λευκὴ στάθμη πρὸσ τοὺσ λόγουσ ὁ ἀδόλεσχοσ, οὐ μὴν ἀλλ’ ὁ μᾶλλον ἑτέρων ἑτέροισ προσπεπονθὼσ ὀφείλει τούτουσ φυλάττεσθαι καὶ ἀνέχειν ἑαυτὸν ἀπὸ τούτων καὶ ἀνακρούειν ὡσ πορρωτάτω προάγειν καὶ ἀπομηκύνειν ἀεὶ δἰ ἡδονὴν δυναμένων. τὸ δ’ αὐτὸ τοῦτο καὶ πρὸσ τοὺσ λόγουσ ἐκείνουσ πεπόνθασιν, ἐν οἷσ κατ’ ἐμπειρίαν ἢ ἕξιν τινὰ τῶν ἄλλων διαφέρειν νομίζουσι.

φίλαυτοσ γὰρ ὢν καὶ φιλόδοξοσ ὁ τοιοῦτοσ νέμει τὸ πλεῖστον ἡμέρασ τούτῳ μέροσ, ἵν’ αὐτὸσ αὑτοῦ τυγχάνει κράτιστοσ ὤν· ἐν ἱστορίαισ ὁ ἀναγνωστικόσ, ἐν τεχνολογίαισ ὁ γραμματικόσ, ἐν διηγήμασι ξενικοῖσ ὁ πολλὴν χώραν ἐπεληλυθὼσ καὶ πεπλανημένοσ. ὥστε καὶ ταῦτα δεῖ φυλάττεσθαι·

δελεαζομένη γὰρ ὑπ’ αὐτῶν ἡ ἀδολεσχία καθάπερ ζῷον ἐπὶ νομὰσ συνήθεισ πρόεισι. θαυμαστὸσ δ’ ὁ Κῦροσ, ὅτι καὶ τὰσ ἁμίλλασ ἐποιεῖτο πρὸσ τοὺσ ἥλικασ, οὐκ ἐν οἷσ κρείττων ἀλλ’ ἐν οἷσ ἀπειρότεροσ ἦν ἐκείνων, εἰσ ταῦτα προκαλούμενοσ, ἵνα μήτε λυπῇ παρευδοκιμῶν καὶ μανθάνων ὠφελῆται. ὁ δ’ ἀδολέσχησ τοὐναντίον, ἂν μέν τισ ἐμπέσῃ λόγοσ, ἐξ οὗ μαθεῖν τι δύναται καὶ πυθέσθαι τῶν ἀγνοουμένων, τοῦτον ἐξωθεῖ καὶ ἐκκρούει, μισθὸν οὕτω βραχὺν δοῦναι τὸ σιωπῆσαι μὴ δυνάμενοσ· εἰσ δὲ τὰσ ἑώλουσ καὶ πολυπατήτουσ κύκλῳ περιιὼν εἰσελαύνει ῥαψῳδίασ τὸν λόγον. ὡσ τῶν παρ’ ἡμῖν τισ κατὰ τύχην ἀνεγνωκὼσ δύο τῶν Ἐφόρου βιβλίων ἢ τρία, πάντασ ἀνθρώπουσ κατέτριβε καὶ πᾶν ἀνάστατον ἐποίει συμπόσιον, ἀεὶ τὴν ἐν Λεύκτροισ μάχην καὶ τὰ συνεχῆ διηγούμενοσ· ὅθεν Ἐπαμεινώνδασ παρωνύμιον ἔσχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De garrulitate, section 22

(플루타르코스, De garrulitate, section 22)

상위

목록

SEARCH

MENU NAVIGATION