헬라어 문장 검색 - Πλυταρ́Ξομπαρι

(플루타르코스, Comparison of Timoleon and Aemilius, chapter 2)

καθαρῶν οὖν καὶ δικαίων ἐν τοῖσ πράγμασιν ἀμφοτέρων γεγονότων, Αἰμίλιοσ μὲν ὑπὸ τῶν νόμων καὶ τῆσ πατρίδοσ οὕτωσ ἐοίκεν εὐθὺσ ἀφικέσθαι παρεσκευασμένοσ, Τιμολέων δὲ τοιοῦτον αὐτὸσ ἑαυτὸν παρέσχε, τούτου τεκμήριον ὅτι Ῥωμαῖοι μὲν ὁμαλῶσ ἐν τῷ τότε χρόνῳ πάντεσ ἦσαν εὔτακτοι καὶ ὑποχείριοι τοῖσ ἐθισμοῖσ καὶ τοὺσ νόμουσ δεδιότεσ καὶ τοὺσ πολίτασ, Ἑλλήνων δὲ οὐδεὶσ ἡγεμών ἐστιν οὐδὲ στρατηγόσ ὃσ οὐ διεφθάρη τότε Σικελίασ ἁψάμενοσ ἔξω Δίωνοσ, καίτοι Δίωνα πολλοὶ μοναρχίασ ὀρέγεσθαι καὶ βασιλείαν τινὰ Λακωνικὴν ὀνειροπολεῖν ὑπενόουν. Τίμαιοσ δὲ καὶ Γύλιππον ἀκλεῶσ φησι καὶ ἀτίμωσ ἀποπέμψαι Συρακουσίουσ, φιλοπλουτίαν αὑτοῦ καὶ ἀπληστίαν ἐν τῇ στρατηγίᾳ κατεγνωκότασ.

ἃ δὲ Φάραξ ὁ Σπαρτιάτησ καὶ Κάλλιπποσ. ὁ Ἀθηναῖοσ ἐλπίσαντεσ ἄρξειν Σικελίασ παρενόμησαν καὶ παρεσπόνδησαν, ὑπὸ πολλῶν ἀναγέγραπται. καίτοι τίνεσ ἢ πηλίκων κύριοι πραγμάτων ὄντεσ οὗτοι τοιαῦτα ἤλπισαν;

ὧν ὁ μὲν ἐκπεπτωκότα Συρακουσῶν ἐθεράπευε Διονύσιον, Κάλλιπποσ δὲ εἷσ ἦν τῶν περὶ Δίωνα ξεναγῶν. ἀλλὰ Τιμολέων αἰτησαμένοισ καὶ δεηθεῖσιν αὐτοκράτωρ πεμφθεὶσ Συρακουσίοισ, καὶ δύναμιν οὐ ζητεῖν ἀλλ’ ἔχειν ὀφείλων ἣν ἔλαβε βουλομένων καὶ διδόντων, πέρασ ἐποιήσατο τῆσ αὑτοῦ στρατηγίασ καὶ ἀρχῆσ τὴν τῶν παρανόμων ἀρχόντων κατάλυσιν. ἐκεῖνο μέντοι τοῦ Αἰμιλίου θαυμαστόν, ὅτι τηλικαύτην βασιλείαν καταστρεψάμενοσ οὐδὲ δραχμῇ μείζονα τὴν οὐσίαν ἐποίησεν, οὐδὲ εἶδεν οὐδὲ ἥψατο τῶν χρημάτων, καίτοι πολλὰ δοὺσ ἑτέροισ καὶ δωρησάμενοσ.

οὐ λέγω δὲ ὅτι Τιμολέων μεμπτόσ ἐστιν οἰκίαν τε καλὴν λαβὼν καὶ χωρίον· οὐ γὰρ τὸ λαβεῖν ἐκ τοιούτων αἰσχρόν, ἀλλὰ τὸ μὴ λαβεῖν κρεῖττον καὶ περιουσία τῆσ ἀρετῆσ, ἐν οἷσ ἔξεστιν ἐπιδεικνυμένησ τὸ μὴ δεόμενον· ἐπεὶ δέ, ὡσ σώματοσ ῥῖγοσ ἢ θάλποσ φέρειν δυναμένου τὸ πρὸσ ἀμφοτέρασ εὖ πεφυκὸσ ὁμοῦ τὰσ μεταβολὰσ ῥωμαλεώτερον, οὕτω ψυχῆσ ἄκρατοσ εὐρωστία καὶ ἰσχύσ, ἣν οὔτε τὸ εὐτυχεῖν ὕβρει θρύπτει καὶ ἀνίησιν οὔτε συμφοραὶ ταπεινοῦσι, φαίνεται τελειότεροσ ὁ Αἰμίλιοσ, ἐν χαλεπῇ τύχῃ καὶ πάθει μεγάλῳ τῷ περὶ τοὺσ παῖδασ οὐδέν τι μικρότεροσ οὐδὲ ἀσεμνότεροσ ἢ διὰ τῶν εὐτυχημάτων ὁραθείσ·

Τιμολέων δὲ γενναῖα πράξασ περὶ τὸν ἀδελφὸν οὐκ ἀντέσχε τῷ λογισμῷ πρὸσ τὸ πάθοσ, ἀλλὰ μετανοίᾳ καὶ λύπῃ ταπεινωθεὶσ ἐτῶν εἴκοσι τὸ βῆμα καὶ τὴν ἀγορὰν ἰδεῖν οὐχ ὑπέμεινε.

δεῖ δὲ τὰ αἰσχρὰ φεύγειν καὶ αἰδεῖσθαι, τὸ δὲ πρὸσ πᾶσαν ἀδοξίαν εὐλαβὲσ ἐπιεικοῦσ μὲν ἤθουσ καὶ ἁπαλοῦ, μέγεθοσ δὲ οὐκ ἔχοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Timoleon and Aemilius, chapter 2

(플루타르코스, Comparison of Timoleon and Aemilius, chapter 2)

상위

목록

SEARCH

MENU NAVIGATION