헬라어 문장 검색 - Πλυταρ́Ξομπαρι

(플루타르코스, Comparison of Timoleon and Aemilius, chapter 1)

τοιούτων δὲ τῶν κατὰ τὴν ἱστορίαν ὄντων, δῆλον ὡσ οὐκ ἔχει πολλὰσ διαφορὰσ οὐδὲ ἀνομοιότητασ ἡ σύγκρισισ. οἵ τε γὰρ πόλεμοι πρὸσ ἐνδόξουσ γεγόνασιν ἀμφοτέροισ ἀνταγωνιστάσ, τῷ μὲν Μακεδόνασ, τῷ δὲ Καρχηδονίουσ, αἵ τε νῖκαι περιβόητοι, τοῦ μὲν ἑλόντοσ Μακεδονίαν καὶ τὴν ἀπ’ Ἀντιγόνου διαδοχὴν ἐν ἑβδόμῳ βασιλεῖ καταπαύσαντοσ, τοῦ δὲ τὰσ τυραννίδασ πάσασ ἀνελόντοσ ἐκ Σικελίασ καὶ τὴν νῆσον ἐλευθερώσαντοσ· εἰ μὴ νὴ Δία βούλοιτό τισ παρεγχειρεῖν ὡσ Αἰμίλιοσ μὲν ἐρρωμένῳ Περσεῖ καὶ Ῥωμαίουσ νενικηκότι, Τιμολέων δὲ Διονυσίῳ παντάπασιν ἀπειρηκότι καὶ κατατετριμμένῳ συνέπεσε, καὶ πάλιν ὑπὲρ Τιμολέοντοσ, ὅτι πολλοὺσ μὲν τυράννουσ, μεγάλην δὲ τὴν Καρχηδονίων δύναμιν ἀπὸ τῆσ τυχούσησ στρατιᾶσ ἐνίκησεν, οὐχ ὥσπερ Αἰμίλιοσ ἀνδράσιν ἐμπειροπολέμοισ καὶ μεμαθηκόσιν ἄρχεσθαι χρώμενοσ, ἀλλὰ μισθοφόροισ οὖσι καὶ στρατιώταισ ἀτάκτοισ, πρὸσ ἡδονὴν εἰθισμένοισ στρατεύεσθαι. τὰ γὰρ ἀπ’ οὐκ ἴσησ παρασκευῆσ ἴσα κατορθώματα τῷ στρατηγῷ τὴν αἰτίαν περιτίθησι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Comparison of Timoleon and Aemilius, chapter 1

(플루타르코스, Comparison of Timoleon and Aemilius, chapter 1)

상위

목록

SEARCH

MENU NAVIGATION