Plato, Laws, book 9 25:

ὃν δ’ ἂν ὁ θεὸσ ἀνέλῃ, κληρονόμον εἰσ τὸν οἶκον καταστῆσαι τὸν τῶν ἐκλιπόντων τύχῃ ἀμείνονι. καλῶσ. κοινὸσ δ’ ἔτι τρίτοσ εἷσ ἔστω νόμοσ περὶ δικαστῶν τε, οὓσ δεῖ δικάζειν αὐτοῖσ, καὶ ὁ τρόποσ τῶν δικῶν, οἷσ ἂν προδόσεωσ αἰτίαν ἐπιφέρων τισ εἰσ δικαστήριον ἄγῃ· καὶ μονῆσ ὡσαύτωσ ἐκγόνοισ καὶ ἐξόδου τῆσ πατρίδοσ εἷσ ἔστω περὶ ταῦτα νόμοσ οὗτοσ τρισί, προδότῃ καὶ ἱεροσύλῳ καὶ τῷ τοὺσ τῆσ πόλεωσ νόμουσ βίᾳ ἀπολλύντι.