Plato, Laws, book 7 120:

ἔργον δὲ δὴ τοῖσ οὕτω ζῶσίν φαμεν οὐ τὸ σμικρότατον οὐδὲ τὸ φαυλότατον λείπεσθαι, μέγιστον δὲ πάντων εἶναι προστεταγμένον ὑπὸ δικαίου νόμου· τοῦ γὰρ πᾶσαν τῶν ἄλλων πάντων ἔργων βίου ἀσχολίαν παρασκευάζοντοσ, τοῦ Πυθιάδοσ τε καὶ Ὀλυμπιάδοσ νίκησ ὀρεγομένου, διπλασίασ τε καὶ ἔτι πολλῷ πλέονοσ ἀσχολίασ ἐστὶν γέμων ὁ περὶ τὴν τοῦ σώματοσ πάντωσ καὶ ψυχῆσ εἰσ ἀρετῆσ ἐπιμέλειαν βίοσ εἰρημένοσ ὀρθότατα.