Plato, Laws, book 7 96:

πῶσ; νῦν μέν που τὰσ σπουδὰσ οἰόνται δεῖν ἕνεκα τῶν παιδιῶν γίγνεσθαι· τὰ γὰρ περὶ τὸν πόλεμον ἡγοῦνται σπουδαῖα ὄντα τῆσ εἰρήνησ ἕνεκα δεῖν εὖ τίθεσθαι. τὸ δ’ ἦν ἐν πολέμῳ μὲν ἄρα οὔτ’ οὖν παιδιὰ πεφυκυῖα οὔτ’ αὖ παιδεία ποτὲ ἡμῖν ἀξιόλογοσ, οὔτε οὖσα οὔτ’ ἐσομένη, ὃ δή φαμεν ἡμῖν γε εἶναι σπουδαιότατον· δεῖ δὴ τὸν κατ’ εἰρήνην βίον ἕκαστον πλεῖστόν τε καὶ ἄριστον διεξελθεῖν. τίσ οὖν ὀρθότησ;