Plato, Laws, book 6 129:

τί οὖν; ἆρ’ οὐ τοιοῦτον δοκεῖ σοι τὸ τοῦ νομοθέτου βούλημ’ εἶναι; πρῶτον μὲν γράψαι τοὺσ νόμουσ πρὸσ τὴν ἀκρίβειαν κατὰ δύναμιν ἱκανῶσ· ἔπειτα προϊόντοσ τοῦ χρόνου καὶ τῶν δοξάντων ἔργῳ πειρώμενον, ἆρ’ οἰεί τινὰ οὕτωσ ἄφρονα γεγονέναι νομοθέτην, ὥστ’ ἀγνοεῖν ὅτι πάμπολλα ἀνάγκη παραλείπεσθαι τοιαῦτα, ἃ δεῖ τινα συνεπόμενον ἐπανορθοῦν, ἵνα μηδαμῇ χείρων, βελτίων δὲ ἡ πολιτεία καὶ ὁ κόσμοσ ἀεὶ γίγνηται περὶ τὴν ᾠκισμένην αὐτῷ πόλιν;