Plato, Laws, book 5 114:

ἔστιν δὴ τοῦ νοῦν ἔχοντοσ πολιτικοῦ βούλησισ, φαμέν, οὐχ ἥνπερ ἂν οἱ πολλοὶ φαῖεν, δεῖν βούλεσθαι τὸν ἀγαθὸν νομοθέτην ὡσ μεγίστην τε εἶναι τὴν πόλιν ᾗ νοῶν εὖ νομοθετοῖ, καὶ ὅτι μάλιστα πλουσίαν, κεκτημένην δ’ αὖ χρύσεια καὶ ἀργύρεια, καὶ κατὰ γῆν καὶ κατὰ θάλατταν ἄρχουσαν ὅτι πλείστων· προσθεῖεν δ’ ἂν καὶ ὡσ ἀρίστην δεῖν βούλεσθαι τὴν πόλιν εἶναι καὶ ὡσ εὐδαιμονεστάτην τόν γε ὀρθῶσ νομοθετοῦντα.