Plato, Laws, book 4 33:

καιρῷ γὰρ χειμῶνοσ συλλαβέσθαι κυβερνητικὴν ἢ μή, μέγα πλεονέκτημα ἔγωγ’ ἂν θείην. ἢ πῶσ; οὕτωσ. οὐκοῦν καὶ τοῖσ ἄλλοισ ὡσαύτωσ κατὰ τὸν αὐτὸν ἂν ἔχοι λόγον, καὶ δὴ καὶ νομοθεσίᾳ ταὐτὸν τοῦτο δοτέον· τῶν ἄλλων συμπιπτόντων, ὅσα δεῖ χώρᾳ συντυχεῖν, εἰ μέλλοι ποτὲ εὐδαιμόνωσ οἰκήσειν, τὸν νομοθέτην ἀληθείασ ἐχόμενον τῇ τοιαύτῃ παραπεσεῖν ἑκάστοτε πόλει δεῖν. ἀληθέστατα λέγεισ.