Plato, Cratylus, Theaetetus, Sophist, Statesman, Κρατύλος 325:

ἔπειτα ἡ "ἱστορία" αὐτό που σημαίνει ὅτι ἵστησι τὸν ῥοῦν. καὶ τὸ "πιστὸν" ἱστὰν παντάπασι σημαίνει. ἔπειτα δὲ ἡ "μνήμη" παντί που μηνύει ὅτι μονή ἐστιν ἐν τῇ ψυχῇ ἀλλ’ οὐ φορά. εἰ δὲ βούλει, ἡ "ἁμαρτία" καὶ ἡ "συμφορά," εἰ κατὰ τὸ ὄνομά τισ ἀκολουθήσει, φανεῖται ταὐτὸν τῇ "συνέσει" ταύτῃ καὶ "ἐπιστήμῃ" καὶ τοῖσ ἄλλοισ πᾶσι τοῖσ περὶ τὰ σπουδαῖα ὀνόμασιν. ἔτι τοίνυν ἡ "ἀμαθία" καὶ ἡ "ἀκολασία" παραπλησία τούτοισ φαίνεται· ἡ μὲν γὰρ τοῦ ἅμα θεῷ ἰόντοσ πορεία φαίνεται, ἡ "ἀμαθία," ἡ δ’ "ἀκολασία" παντάπασιν ἀκολουθία τοῖσ πράγμασι φαίνεται.