Plato, Cratylus, Theaetetus, Sophist, Statesman, Κρατύλος 313:

ἐκεῖνο γάρ, ὡσ ἐοίκε, καὶ ὁμοίῳ καὶ ἀνομοίῳ δηλοῖ. ἐπειδὴ δὲ ταῦτα συγχωροῦμεν, ὦ Κρατύλε ‐ τὴν γὰρ σιγήν σου συγχώρησιν θήσω ‐ ἀναγκαῖόν που καὶ συνθήκην τι καὶ ἔθοσ συμβάλλεσθαι πρὸσ δήλωσιν ὧν διανοούμενοι λέγομεν· ἐπεί, ὦ βέλτιστε, εἰ ’θέλεισ ἐπὶ τὸν ἀριθμὸν ἐλθεῖν, πόθεν οἰεί ἕξειν ὀνόματα ὅμοια ἑνὶ ἑκάστῳ τῶν ἀριθμῶν ἐπενεγκεῖν, ἐὰν μὴ ἐᾷσ τι τὴν σὴν ὁμολογίαν καὶ συνθήκην κῦροσ ἔχειν τῶν ὀνομάτων ὀρθότητοσ πέρι;