Lycurgus, Speeches, Κατὰ Λεωκράτους 51:

περὶ μὲν οὖν τῆσ προκλήσεωσ καὶ τοῦ ἀδικήματοσ, ὅτι ὁμολογούμενόν ἐστιν, ἱκανῶσ ὑμᾶσ ἡγοῦμαι, ὦ ἄνδρεσ, μεμαθηκέναι· ἐν οἷσ δὲ καιροῖσ καὶ ἡλίκοισ κινδύνοισ τὴν πόλιν οὖσαν Λεωκράτησ προδέδωκεν ἀναμνῆσαι ὑμᾶσ βούλομαι. καί μοι λαβὲ τὸ ψήφισμα, γραμματεῦ, τὸ Ὑπερείδου καὶ ἀναγίγνωσκε. Ψήφισμα ἀκούετε τοῦ ψηφίσματοσ, ὦ ἄνδρεσ, ὅτι τὴν βουλὴν τοὺσ πεντακοσίουσ καταβαίνειν εἰσ Πειραιᾶ χρηματιοῦσαν περὶ φυλακῆσ τοῦ Πειραιέωσ ἐν τοῖσ ὅπλοισ ἔδοξε, καὶ πράττειν διεσκευασμένην ὅ τι ἂν δοκῇ τῷ δήμῳ συμφέρον εἶναι.