Hyperides, Speeches, Ὑπὲρ Εὐξενίππου ἐισαγγελίασ ἀπολογία πρὸσ Πολύευκτον 12:

ἀλλὰ νὴ Δία αὐτὸσ τοιούτῳ πράγματι οὐ κέχρησαι, ἀλλ’ ὅτ’ ἔφευγεσ τὸν ἀγῶνα ὑπ’ Ἀλεξάνδρου τοῦ ἐξ Οἰού, δέκα μὲν συνηγόρουσ ἐκ τῆσ Αἰγηίδοσ φυλῆσ ᾐτήσω, ὧν καὶ ἐγὼ εἷσ ἦν αἱρεθεὶσ ὑπὸ σοῦ, ἐκ δὲ τῶν ἄλλων Ἀθηναίων ἐκάλεισ ἐπὶ τὸ δικαστήριον τοὺσ βοηθήσοντάσ σοι. καὶ τὰ μὲν ἄλλα τί δεῖ λέγειν; αὐτῷ δὲ τούτῳ τῷ ἀγῶνι πῶσ κέχρησαι; οὐ κατηγόρησασ ὁπόσα ἐβούλου; οὐ Λυκοῦργον ἐκάλεισ συγκατηγορήσοντα, οὔτε τῷ λέγειν οὐδενὸσ τῶν ἐν τῇ πόλει καταδεέστερον ὄντα, παρὰ τούτοισ τε μέτριον καὶ ἐπιεικῆ δοκοῦντα εἶναι;